Atu lio zawtnak tihnung taktak a simi Coronavirus hrik kongah Laimi nih kan i ngeimi Sibawi India ramah Sizung ngan pakhat a simi Mata Chanan Devi Hospital timi rianttuan liomi Dr. Lalthapari (Pari) nih chim fiannak a ngeih tthan. Laiholh tein a chimmi a si.

Laica a rel kho ti lomi mit tthat lo ruangah ca a rel kho ti lomi kan nu le kan pa cheukhat caah a tthahnem ngaimi thil a si i, kan rel khawh lo hmanh ah a ngaih in ngaih khawh a si. A video cu a tangleiah kan chiah i ttha tein ngai ve dingin le a dihdongh tiang ngai nin kan in sawm hna.

Video timi hi rak hmeh piak law ngaih khawh a si lai.

Tuzing ah report nih alanghter ningah cun minung 116 an thi than i China ramchung zawtnak ruangah a thimi hi 1500 an tling luklak cang ati. Nihin tiang ah zawtnak hri a kaimi hi minung 63,851 an si cang ati. Nihin ah zawtnak hrik a kaitharmi hi minung 4800 an si tiah Hubei report nh a chim. WHO riantuan zong China an phan cang hna. Thil sining an zohtikah an thinphang ngai ngai.

Zeicatiah nikhat hnu nikhat athimi an karh chin lengmang, nikhat ah zawtnak hrik akaimi zong an tam chin lengmang. Zual lei apanh ching lengmang tikah hin Wuhan khrihfa zumtu hna nih cun hi hi Pathian kawhnak le chimhhrinnak a si ko cang lai tiah an zumh cang. Cu caah vawleicung zumtu hna sinah thlacamnak in biatak tein bawmhnak an hal.

Wuhan Central Hospital riantuantu nurse Ning Zhu, nih a chimmi cu “Atu hi nurses tampi cu zatnak hrik an kai cang. Keimah zong zawtnak hrik ka kai ve cang. Atu hi siizungah kaa thlawp lio a si. A ka zohkhentu ka hawi lei caah thinphang in ka um. Keimah ka chungah a ummi zawtnak nih hin ka hawi le ka chonh ve sual hna lai ti lawng hi ka phang tiah a chim.

Ka siizung ah hin riantuantu minung 500 kan um i mah chung ah minung 150 cu zawtnak hrik a kaimi kan si lai zumh a si cang. Kan siizung hi damlo zohkhenhnak kong ah siseh pumpak runvennak dingah thilri zohtikah a unique kho hrim lo” tiah a chim. Dailychinstar