Atu Lio Thantlang Khuachung Thilcang Cu Khuaruahhar Si Ko

Chin News

Atu Lio Thantlang Khuachung Thilcang Cu Khuaruahhar Si Ko: Tutan Sui Thantlang thilcang cu khuaruahhar lei khi asi ko cang. Bawi le chia zong an thleidang ti hna lo. Caan ttha caanrem asi tiah an ruahmi paoh an luat bak lo hih. Biatak tein i ralrin ngaingai ahau cang. Kan i ralrin lo asi ahcun hi hnu pin lei zongah a cang tthan kho mi thil asi. Cucaah iralrin ngaingai kan hau.

Related image

Sui Thantlang ah Motor Cycle fir timi thawngpang theih hi a tlawamti lo, Culawng siloin Chinram khualipi Hakha hrimhrim ahcun Cycle fir timi thawngpang hi atu le tu ti awk hngacha in theih lengmang asi. Hitluk in Cylce fir atam ko nain an tlaih hna timi thawngpang belte cu theih ding atu tiangah a um lo ti usihlaw kan palh tuk lem lai lo dah.

Related image

Hi Cycle fir a hmang mi hi kanmah Laimi maw kan si hnga? Asi lo ah Kawl pawl dah an si hnga? Ahohmanh nih chim khawh asi lo. Tutiang ah theihkhawh mi hi an tlawm ngaingai. Theih khawhmi cu Mizo pa pakhat nih Hmunlipi khuami cycle afir ti lawng theih asi ko rua dah ka ti. Thantlang Hakha ah cycle a firmi an tlaihmi hna hi theih awk aum lo.

Tutan Sui Thantlang ah Sipin Bawi cycle atharte bak an firpiak tthan i, Aa cawknak zong asau rih lo. Nizan december ni 26 ah khan an firpiak atu hi nawlngeitu palek pawl nih an dotthlet cuahmah lio le an kawl cuahmah liopi a si. Hi tining tein mifir hi an um lengmang ko a si ahcun biatak tein mipi zong kan iralring ahau cang. Kan Cycle kha asi khawh ahcun alarm chiahpiak ah a him bik mi asi. Alarm kan chiah khawh lo hmanh ah thatein tawhhrenh ding.

Image result for thantlang

Culawng siloin Lailei cu innchung zongah chiahnak attha ko i, inn chungah chiah hi a him bikmi asi. Cycle man hi afawi te mi asi lo. Atulio le bang ahcun tingkua tang hi a um lo ti tluk asi. Zankhat thilthu i fir dingah cun a pamtaktak mi sunghnak nganpi khi asi. Cucaah mipi hna nih iralrin taktak kan hau cang. Zeitluk in dah kan thilri a him khawh lai timi zong kan ruah ngaingai ahau cang. Laitlang ah cycle firmi hi aman in tuak ahcun atam taktak khi asi. Kanmah lairam chung lila ah hibantuk in thilfir hmangmi an um hi cu a poi taktak khi asi. Iralring cio hna usih. Ref: CLP

Leave a Reply