AA THLENGMI KAN NUNPHUNG LE THIL THUAM– Aa thlengmi nunphung

1. Kan Lai nunphung aa thlengmi vialte lakah duh a nung cemmi cu Lawkih nunphungin KHRIH nunphung i kan i thlen kha a si.

2. A tu lio kan nun phung a thleng cuahmah mi lakah huat a chuak cemmi cu KHRIH nunphung in Lawkih nunphung ah kan i thlen cuahmah thanmi hi a si.

Aa thlengmi kan thilthuam

1. Laimi kan thuam lakah duh a nung bikmi cu pupa hna thinlungput, ” Lungputtha La in tahmi innpa caah, zumhtlak le dinfelnak le dawtnak thuamtial,” kha a si.

2. Atu lio Lai thuamthar lakah fih a nung bikmi cu, “thancho duhnak La in tahmi; hakkauhnak le ziknawhnak thawi tenhmi thuamtial,”hi a si.

BAWIPA PATHIAN hmaiah zohchiain a kan sikter tawntu le duh kan nunnak umnang/belnang a kan thuh tawntu cu nunphung tha lo i kan kir than le thuamthil thalo kan i hrukmi hna hi an si.

BAWIPA daw hna usih, kan miphun daw hna u sih, KHRIH nunphung le Lungputtha thuam in i thuam than hna usih. BAWIPA PATHIAN nih Thluachuah a kan pekmi hna hi, hi nunphung le thilthuam lawng hin Thlua kan i chuahpi khawh hna lai.

Credit: Even. Tluang Lian ( Martar)