Atu Hi Ralhrang Jet Fighter Nih Timit, Lungkhar Tlang A Kah Tthan Hoi

Chin News

A poi ko ee.. Kan ralkap hna caah biatak tein thlacam rih hna usih. Tu hi ralhrang jet a ra i kan ralkap hna bomb hnaa thlak len hoi ko e. Faakpi thlacam kan hau ko hih. Kan pasalttha le hna Bawipa nih him bawm tein kilkeng hram ko hna seh.

Cabia dang: SAC Le Chaklei Hriamtlai Phu 3 Tonbiaruahnak Cu A Ni A Tlin Hlan Ah An Ngol. China tawlrelnak in Shan ramkulh Mongla ah tuahmi SAC le chaklei hriamtlai phu 3 hna, MNDAA, AA le TNLA tonnak cu a ni a tlin hlan ah an ngol tiah theih a si.

Tutan tonnak hi June 1-3 tiang tuah ding a si nain SAC nih biatung an chuahpi mi hna cu chaklei hriamtlai phu palai hna nih a ngaih lawng an ngaih i an ruahnak le hmuhning zeihmanh an chimrel duh lo caah a nihnihnak June 2 ah an ngol nak a si tiah TNLA in palai pakhat nih RFA ah a chim.

AA in chimnak nawlngeitu U Khine Thu Kha nih “SAC nih an chuahpi mi biatung hna he pehtlai in zeihmanh kan chimrel lai lo” tiah June 1 ah khan a chim cang. Tutan tonbiaruahnak SAC lei nih zaukphung le federal kong, rampi daihnak le ṭhanchonak kong, khatlei le khatlei i zumhngamnak kong biapi in an chimrel nain cu kongah chaklei hriamtlai phu 3 a si mi AA, MNDAA le TNLA palai hna nih zeihmanh an chimrel duh lo.

Chakeli hriamtlai phu 3 palai hna nih cun SAC nih an tlaihmi vialte thlah ding, phungninglo bu cazin in hlonh ding le Rakhine ramkulh i Mocha thlichia a tuar mi mipi hna nih a rannak in bawmhnak an hmuh khawh nakding kong lawng an chim tiah theih a si.

SAC lei nih biapi ngai in biatung an chuahpi i an chimrel len lioah chaklei hriamtlai phu hna nih zeihmanh an chim duh lo mi le a ni a tlin hlan ah tonnak an ngol mi nih chaklei hriamtlai phu unau pathum hna tiah theihmi AA, MNDAA le TNLA nih SAC zei an rel lonak a langhter ngai tiah ramkhel thiamsang hna nih an chim. RFA, Khit Thit Media

Leave a Reply