Atu Hi Meithal Kahnak In Lawmzawhtu Minung (3) Nunnak A Liam Cang

Myanmar News

Nihin kan Kawlram thil cang theih cu ngaihchia ngaingai si ko. Sualnak ngei lo nunnak a liammi an tlawm ti lo. Ralkap nih hramhram in uknak an lakmi ah minpi nih duhlonak langhter cu nihinni tiang peh zul peng a si. Nihin lamzawhtu hna cu ralkap le palik nih meithal in an kah hna caah minung pathum nunnak a liam cang.

May be an image of 3 people, people standing and people sitting

Nihin atu tiang ah minung 3 meithal kahnak in an thi cang! Nihin zinglei sml. 1:00 (zanttim) hnu ah Yangon, Thakedah ah palik le ralkap nih meithal in an kah hna caah minung 2 an nunnak a laim. Cun nihin chun sml. 1:00 hrawng ah Mandalay ah meithal in an kah hna caah nu pakhat a nunnak a liam ve. The Chin Journal charhchan in kan theih.

May be an image of 5 people, people sitting and people standing

Relchih: KIA nih nikhat hnu nikhat in Kawl ralkap lam an phih chin lengmang cang hna. Atu le bang ahcun KIA dohnak dingah a herh taktak mi hriamnam an kalpi nak lam tiang in atu ahcun KIA nih an hrawh dih tikah Kawl ralkap ca ahcun an cawlcanghnak ding lam a pit cang ko.

Kawl ralkap nih KIA dohnak ah an hriamnam le ralkap pawl an kuat tawnnak Mandalay le Myitkyina tlanglawng lampi cu bomb an puah i a rawk. Kawl ralkap an lung mit ai. Duhduh in Kachin an kal kho ti lai lo. KIA nih nifa an thah fawn hna. Nihin zongah Shan ram then ah KIA nih kawl ralkap an phomh tthan hna. A thimi zat an phuang rih lo. Kawl ralkap lei an cei taktak. KIA cu an him rih tiah KNU nih thanhnak an tuah.

Leave a Reply