Esther Dawt Chin Sung Te Chungkhar Nih Chungkhar Van Ram Nuam An Ser. PATHIAN aa bochan peng mi Nu le Pa nih cun Fanu Fapa tha an ngeih hna, Nu le Pa Tihzah zia le Upat zia an thiam mi Fanu Fapa hna nih cun Nu le Pa an lawmhter hna pin ah Pathian an lawmhter i, Van thluachuah lawng si loin Lei thluachuah zong an dong chih tawn.

Cu thluachuah an don khawh nak a hrampi cu Nu le Pa nih Pathian an rak i bochan peng nak thei-par kha a si, Nu le Pa nih Pathian an rak i bochan peng nak thei-par cu, anmah chan ah an zun manh lo hmanh ah Tu le Fa chan ah an zun tawn. Bawipa aa bochan mi vialte cu Zion tlang bantuk an si i, ngeih mi thil zeihmanh an ngeih lo zongah ngeih lomi thil zong an ngei fawn lo, Bawi Jesuh Khrih a ngei mi hna caah cun zei zong vialte hi an ta a si dih. Haleluia Bawipa min thiang cu thangthat in um zungzal ko seh. Credit: ‎H. Bawitumthang Thangte‎

Chin Miphun Chungah “Esther” Bantuk Hi, Sung-hno Nu Paw Chungin An Chuak Tthan Ti Hnga Maw.
Zoh cim lo Chin Arfi ceu dawh te, a hlasak thiam lawng hmanh si loin a muisam te hrim hrim zong hi dakaw hmai-hngalpi tlak te a rak si cu, October thla Thlapa mawt zan i Arfi ceu dawh te khi bang, a dawtu hna mit ah cun Vanmi Ngaknu dawh hmanh khi Esther nak in an i dawh hlei hnga maw a cu ka thin cu dah, Sunghno a Nu paw chungah a rak i sem sual lai lo ti phan a rak um tuk e.

Myanmar Idol Season-4 (Winner) sinak zong hi a rak tlinh hringhran ko, tutan Myanmar Idol Season-4 ah cun Esther nak i “Winner” si tlak hi a ho hmanh an rak um hrimhrim lo, kan biak mi kan Pathian cu khuakhan zia a thiam tuk mi a si i, “Winner” sinak zong hi Esther ca ding hrimhrim ah a rak khan cang mi a si caah Pathian khuakhan mi cu Minung nih danglam ter khawh a si lo zia, Mi vialte hmuh khawh in fiang tein a lang.

A dawtu Chin Miphun hna kan caah cun Chin Arfi ceu dawh te a rak si hringhran ko, “Esther” Chinram le Chin Miphun hna kan caah rak kan ceu piak peng rih ko sawh, Chin Miphun Min that tertu le Hmai-hngal tertu na sinak hi kan saduhthah na tlinter hringhran ko, kan i lawm tuk hringhran, Bawipa nih in cawisang chin lengmang seh law, na um na kal nak kip ah in umpi in na lam thluan in hruai zungzal ko seh.Credit: Thangte-a Hnialum