Thawngpang chia tampi lakah thawngpang tha taktak kan vun theih than cu lungthin a dam hringhran ko. Laimi/Chinmi hi Pathian nih a kan dawtnak hringhran ti fiang tein Dr. Sa Sa hmangin theih khawh asi. Atulio kan vawleipi zoh tikah lungreithei vansang au in um cio a si.

Ramtha mithang taktak a simi USA, China, Italy tibantuk hna cu zeitluk in dah a that i anuamh ti cu a hmun ah a ummi nih nan thei khun lai. Atu ah cun lungreitheih taktakin a um ve cang. Italy lehbang hna ah cun nikhat ah mithi ruak a chawk bakin an chawk ti online ah theih khawh a si.

Cu lioah Chinmi/laimi caah a si khawh chungin rian a tuantu Dr. Sa Sa nih a facebook timeline hitihin thawngpang tha ngaingai a chim. A chimmi cu ” Health and Hope tawlrelpi nakin Lailenpi, Chin State, Western Myanmar (Burma) ah atulio ah zawtnak Covid-19 a ngeimi an sual ahcun ithlopbulnak le izohkhenhnak ding caah mizaw ihkhun chiah asi cang. Thlacamnak in bawm ve rih uh!”, tiah timeline ah a tial.

Cu a timeline a ttialmi rihmi cu Heath and Hope hna tawlrelnak in Detection & Respone centre pi zong sak khawh a si cang tiah theih a si. Hihi Covid-19 a ngeimi an sual i a dirhmun a chiakha tuk cangmi hna zohkhenhnak le thlopbul caah dawh asi. Adonghnak Dr. Sa Sa a bia a kharmi cu nan thlacamnak ah kan telh in kan bawm ve rih ulaw tiah a bia a khar.