Nizaan ah a hung lar ngaimi cu suimilam 12:00 hlanah arti pum chumh a eimi cu Coronavirus chungin nan luat lai tiah ngakchia chuak ka te nih a chim i a chim dih cang ka in ngakchiate cu a thih tiah theih a si i Laitlang leiah arti an manh taktak ti a si.

Tahan ah patling pakhat nih a chimmi cu ” Hi thawngpang ka theih ah hin suimilam 11:00 a luan cang. 12:00 tling lai ka phang i rawl dawr ta an chumh ciami cu ka cawk i ka chungkhar hna cu siizung ah ka va pek hna” tiah nizaan thawngpang kong he a chim.

Letpanchaung rawl dawr ngeitu pakhat nih a chimmi vemi cu ” Arti lakding zong kan hmu ti lo i zuar ding zong ka ngei ti lo. Arti pumkhat chumh ciami ei ding timi thawngpang a than zingah a dih dih” tiah a chim. Dawr i arti zuartu pawl an man ngaingai hna ti a si.

Arti pumkhat nih Coronavirus a kham khawh timi thawngpang cu chun suimilam 12:00 hlan ah ei ding tiah thawng athang ciammam i arti zuartu pawl cu an manh taktak ti a si i khua pakhat hna ah cun cawk ding an i ting lo tiah theih a si.