Arakan Army: Kan Tlaihmi Minung Kan Thlah Ṭhan Thawngpang Ṭha Ngaingai Asi

Thawngpang

Arakan Army: Kan Tlaihmi Minung Kan Thlah Ṭhan Thawngpang Ṭha Ngaingai Asi

Chin ramkulh Paletwa peng ralkap i kahdohnak i an tlaihmi mipi le Kaladan project riantuantu an tlaihmi hna cu Arakan Army (AA) nih kan thlah tthan lai tiah an chim. An tlaihmi innchungkhar hna hi thla 4 chung thlah loin an um hna.

Chin ramkulh Paletwa peng i tlaihmi engineer mi 4 le Suh Htoo San company riantuantu mi 8 hna cu AA headquarters nih thlah dingin nawlpeknak an chuah. kilvennak lei dinhmun ruangah caan saupi thlah loin an um hnanak hi asi tiah AA i information hotu Khaing Tuh nih a chim chap.

“Kannih nihcun thlah dingin ralkap pawl kan chim cang hna, asinain Kawl ralkap I kahdonak a fah tuk tikah culio i thlah ding cu kilvennak lei dinhmun a tha lo, hi lak I von thlah ding cu pakhatkhat a cang ahcun kan ti ruangah thlah cawlh loin kan hren rih hnanak asi. March 9 lai ralkap hmunkhurnak kan ah kan tlaihmi hna mi 11 chung in mi 7 kan thlah cang hna i, mi 4 an tang lai. Annih hi ralkap engineer department nih an chim.

March 9 ah Pichawng hmun i ralkap hmunkhurnak cu AA in an kah hna i an lak khawh hnuah sakhan chung i minung ummi paoh an tlaih hna. March 30 zongah Paletwa peng cung Alawng khua i riantuantu Suh Htoo San company i minung 8 cu AA in an rak tlaih hna. AA nih an tlaihmi hna mi 8 chungah Chinmi 2 an i tel i tuini tiang an thlah hna lo tikah an innchungkhar hna cu an lungrethei ngaingai tiah Chin milai covo phu i director Ko Tiya nih aa chim.

Kawl ralkap le AA karlak kahdohnak ruangah Chin ramkulh Paletwa peng chungah ralzaam mipi 3000 hrawng an um i ei le din ruangah harsatnak an tong ngaingai tiah Chin milai covo phu i tuanvo ngeitu hna nih an chim.

Kawl ralkap le AA kahdohnak ruangah Rakhine ramkulh Butitawng, Yatitawng, Pakhancun, Minpia, Mrauk Oo le Kyautdaw peng chungah ralzaam mipi 55000 renglo an um tiah Rakhine miphun phu nih thawngthanhnak an ngei. Ref : VOA

Leave a Reply