Coronavirus (COVID-19) ruang ah leng chuak kho lo in i erh lio ah Ar zuarnak hmun pawl hna cu nawlngeitu hna nih zoh dih an si. Hi bantuk in Ar zuarnak pawl an zoh hna nak a ruang cu an ar zuarmi pawl hi a him maw him lo. Zei tin dah an tuahto ning a si i minung caah ttih a nung kho maw timi pawl ttha te in zoh an si. Cu caah Animal Husbandry & Veterianry (AH&Vety) department hna nih ttha te in hlathlainak an tuah.

Husbandry & Veterianry (AH&Vety) department in a zohtu pawl hi joint director Dr Lalchungnunga Pudaite le deputy director Dr Lalrotlaunga Sailo hna nih an hruai hna. Ar an thahning, an hremning, an cawlcanghning tibantuk ah zeimaw a tlam a tlinglo deuhmi pawl an cawnpiak hna. Ar thahnak hmun pawl hna hi a tlangpi in All Mizoram Poultry Farmer Association (AMPFA) member pawl ta an si hna.

Hi bantuk in zohnak an ngeih hnu ah an chimmi cu duhning le lungdiriam cu si rihlo ko hmanh seh law a tu dirhmun ah cun a him in a tha ko rih tiah an ruah kong an chim. AH&Vety office hna nih ar an hrem cia chiahnak (food grade packing material) department min a cuangmi cu All Mizoram Poultry Farmer Association (AMPFA) member ar zuartu pawl cu an peek pah colh thluahmah hna.

Hi funnak in funmi arsa pawl cu eidin ding ah a him tiah an ruah a si. Khat lei kam in AH&Vety department nih theihpi lomi ar thahnak le zuarnak hmun tampi an um ve ti a si. Cu bantuk kong ah a cozah nih nawl an chuahmi cu hi bantuk kong ah harsatnak a um sual a si ah cun AH&Vety department nih ttuanvo kan la lai lo tiah an chim. Ref: Vanglaini