Apoituk!! Tung Thantlang Roman Catholic Biakinn Akaang

Myanmar News

Thantlang Roman Catholic Biakinn a kaang. Thantlang khua, View Point thlang Seihpyozi sang ah a ummi St. Nicolas Catholic biakinn zong mei nih a kangh cang. Tu ni in cun a voi 9 nak Thantlang khua Ralhrang nih mei in an khangh asi cang i mah chung ah Biakinn pali a kaang cang. Mah thawngpang hi athar asi.

Thawngdang relchap Khah Ralhrangbu Hna Nih SinTaung Phungki Sianginn Cu Luhhnawh. Mandalay ramthen Mokok khuapi chungum Si pin Thayar sangah a ummi Sin Taungphungki sianginn cu ralhrangbu hna nih an luhhnawh hna i thilri vialte zong an hrawh piak hna i siang ngakchia 3 an tlaih hna i an kal pi hna tiah khuami hna nih an chim. Nizan Nov 26 zinglei sml 5 :00 hrawngah ralhrang nih thazaang tam pi in an rak luhhnawh hna hi asi i, cuka ummi phungki pakhat an kawl i an hmuh lo caah siang ngakchia 3 hna cu an tlaih hna tiah theih a si.

Zeibantuk phungki dah an kawl kan theih a si lo i zingka tein an rak lut an kawl mi cu an hmuh lo caah siang ngakchia 3 an tlaih hna sianginn chung zong an hrawh tiah khuami pakhat nih a chim. An tlaihmi siang ngakchia 3 hna cu khuikaa hmun ahdah an kalpi timi theih a si rih lo tiah khuami hna nih an chim. The chin post

Thawngdang Mon ramkulh ah ralhrangbu nih zung riantuantu cheukhat hna cu CDM lemcang in NUG le anmah he aa pehtlaimi bu hna i bia thup hlathlai dingin a fial hna tiah theih a si. Hlathlai dingin an fial bik mi hna cu NUG le an mah he aa pehtlaimi achung biathup PDF hna um hmun khuarnak le tangka bawmtu hna kong tibantuk an si.

Myanmar army pauses operations in north in rare conciliatory action, South Asia News | wionews.com

Cu riantuan dingah ralhrangbu nih a zumh bikmi zung riantuantu cheukhat hna cu a dang tein a thim hna i CDM lemcang in NUG le PDF le pehtlaih an fial hna tiah theih a si. Zung riantuantu pakhat nih cun An zumh bikmi hna kha cunglei bawi nih an thim hna. Cu an thimmi hna cu CDM bantukin i umter i NUG le anmah he aa pehtlai mi siseh PDF hna umnak le cawlcanghnak vialte an biathup le timhtuahmi hna zong pehtlaihnak nan tuah hna lai i nan hlathlai lai tiah an fial hna tiah a chim.

Cuti an thim i rian an khinhmi CDM lemcang hna cu an rian a hlawhtlin ahcun an rian kaiter an sin pinah tangka tampi laksawng ah pek nan si lai tiah ralhrangbu nih cun an kamh hna. An thimi hna hi zeizat dah an si ti theih a si lo. An thimmi hna cu ralhrangbu nih NUG he pehtlaih dingin an chimh cang hna tiah Than Lwin Times nih a tial.

Leave a Reply