Lucy Dai timi nih Esther le Benjamin Sum kong a tthialmi hi a dik taktak. Lucy Dai: Chin miphun ka si ati mi hna nih maw hitiin ca kan tial tawn apoi ngai. Benjamin Sum nak cun Esther hi zei lei paoh ah uar um, a thiam deuh ko, winner ding bak si.

Esther kong nan tial duh ah cun nan duh nak zawn te le nan uar nak tu kha tial ulaw atha deuh lo maw? Benjamin kha phomhchih ding asi lo bantuk in Benjamin kong nan tial tik zawngah Esther phomhchih lo tein ca tial u law atha deuh lo maw? Nan catial mi hi miphun hleidan nak a si,lung dongh nak akanpe khotu Pakhat le Pakhat i remh lo nak achuah pi tu ca asi,

Benjamin zong Chin miphun asi,Esther zong chin miphun asi, Yaw kee zong chin miphun a si, an 3 in anthiam tuk, Chin miphun min athatter tu an sidih, Winner hmu atlak mizong ansi dih. Hi hi philh hlah usih. Credit: Lucy Dai

Relchih.Idol konglam tawi. Myanmar Idol hi kum 2016 thawk khan rak thawk si i, a hlawh zong a tling ngaingai. Atu ahcun Eain Mat Sone Yar le Melody Wolrd zuamnak hmanh in a minthang deuh cang. Myanmar Idol hi Shwe Thanlwin Company kal hmangin tuah mi siin, Shwe Thanlwin Company ngeitu hi Daw Nan Mouk Laung Saing asi. Kum 4 chung an tuah cang i, Season 1-4 tiang a um cang. Season 1 ah pakhatnak cu Saw Lah Htaw Wah si i, Season 2 ah Thar Nge asi. Cun, Season 3 cu Phyo Myat Aung si.

A cunglei kong he pehtlaiin Myanmar Idol Executive Director Daw Nan Mouk Laung Saing nih cun Myanmar Idol Season 4 kan dih hnu in Idol 4 kan ngei lai. American Idol he pehtlaihnak zong kan tuah lai i, Myanmar Idol Season 1-4 tiang Winner hna cu American Idol zuamnak ah i tel dingin kan nawl hna lai. Kan winner minung 4 hna hi vawlei cung huap zuamnak ah an i tel kho ve lai, cun Myanmar Idol zong hi mah hi kan i tinh bikmi asi,”tiah Press Show an tuahnak ah a chim.

Myanmar Idol Season 4 a zuam mi hna hi an dihlak in minung 30,000 leng an si i, khuapi panga, Taunggyi, Mandalay, Taungoo, Hpa-An le Yangon in thawk asi. hi vialte a zuam mi hna chungin atu ahcun minung 8 lawng an tang cang. A voikhatnak Season 1 a zuam mi dihlak hi minung 8,000 an si i, Season 2 ah minung 14,000, cun, Season 3 ah minung 20,000 nih min an pek.

Season 4 zuamnak ah Director hi Aung Ko Latt si i, Tin Zar Maw hi season 2-3 ah Judge a ttuan cang mi si. Cun, Phyu Phyu Kyaw Thein tu hi tukum lawngin judge a ttuan mi si. Hi kongah Phyu Phyu Kyaw Thein nih a chim mi cu, “Myanmar Idol zuamnak hi ralrin taktak in kan ttuan lai, minthannak le phaisa hmuhnak, nak in hlasak thiam serchuah tu hi kan timh deuh mi asi,”tiah a chim.

Myanmar Idol Winner: Myanmar Idol winner simi paoh cu CITY FYM he hmunkhat rianttuan tti dingin hnatlaknak (contarct) an ngei lai i, CITY FYM nih kumnga chung a sponsor hna lai. Amah belte voidang bantuk in mah duh paoh i an um tawn mi kha si ti loin, zeitik hmanh ah anmah nawl in khual an tlawng kho ti lai lo.

Cun, hlasak le show ti bantuk zongah anmah nawl in an tuah kho ti lai lo. Tahchunnak ah kanmah Chinmi chungin pakhat khat hi winner si hna sehlaw. CITY FYM he hnatlaknak (contarct) an ngaih hnu cun US, Australia, Malaysia le ka dang dang um mi nih an sawm hna zongah CITY FYM nih kalnak nawl an pek hna lo cun an kal kho lai lo. CITY FYM sinah theihternak an tuah lai i, tlawnnak nawl an pek hna hnu lawngah an kal kho lai. Cun, Hlasak le show ti bantuk i, a hmuh mi phaisa zong CITY FYM he an i tthen lai. Mah ti kumnga chung an kal tti hnu ah CITY FYM nih album pakhat an chuahpiak ve hna lai.