An Pathum Ning Tein Top 10 An Kai Cang, Lomhpi Cio Hna Usih

Lomhpi cio hna usih. Chinmi chungin atu tiangah mitthli tlak he a tlami an um rih lo. Tutan cu Myanmar Idol zoh a nuam khun, lungthin zong a tur khun fawn. Top 10 ah mah miphun pathum bak an i tel caah lawmh awk le uanpi awk taktak a si.

A tang rihmi an i zuamnak chung zongah teinak an hmuh khawhnak hnga mipi nih thazaang pek le vote pe cio rih ko hna usih. Mipi zong nih kan theih ding simi cu anmah pathum chungah duhsaknak, ttanh hleinak le thleidennak thinlung put lo tein thazaang pe thiamtu si i zuam cio hna usih. A tang ah video rak zoh chih.

Relchih. Kan Fale Hi Lunglawmhnak Biachim Cawnpiak Lengmang An Hau: Rev. Billy Graham: Kan fale cheukhat cu lunglawmhnak biachim an thei lo. Lunglawmhnak biachim hi an theih awk hrimhrim a si. ‘Kaa lawm’ ti a thei lomi nih cun an cawn hrimhrim awk zong a si. Lunglawmh biachim a thei lomi cu a hnuah mah zawn lawng aa ruatmi an si lai; a nunchung hrimhrim zong an thei thai lai lo.

Kan fale nih laksawng an hmuh tikah lunglawmhnak biachim an theih ding a si; midang nih thil a thanh hna tikah kaa lawm ti an theih ding a si. Caan pek zong in kan fale hi lunglawmh biachim kan cawnpiak hna ding a si. Midang nih kan caah thil tha an tuah tikah kan lunglawmhnak langhter hi a biapi tuk.

Lunglawmhnak biachim hi phung zong a si lo; thatnak zong a si lo. Midang nih a kan dawtnak cungah lunglawmhnak langhternak lam pakhat a si; minung a kan cawisangtu lam pakhat a si. Bible nih cun ‘mah zawn ruahnak in zeihmanh tuah hlah u …toidornak tu in midang kha nanmah naak in cawisang deuh hna u’ a kan ti “Fil 2:3.

Chimh kan duhmi hna cu kan fale nih hin kan chimhmi chung zong in an cawn i, kan tuahsernak cung zong in an cawn. Na nunnak hi lunglawmhnak le thangthatnak in na langhter lengmang kho maw? Ni fatin in na nunnak ah hin lunglawmhnak taktak he na nung kho maw? Bible nih cun ‘zei thil kip ah Pathian lawm u’ a kan ti “1 Thesa 5:18”. Cucaah nan fale hi lunglawmhnak biachim cawnpiak lengmang hna u. Thil fate a siah thil ngan a siah midang sinin an hmuhmi kip ah hin lunglawmhnak biachim thiam hna seh law an nunnak hi Khrihfa nun ziaza dawh in a thangmi si hna seh.

Pathian nih a Fapa Jesuh Khrih a kan pekmi cung hrimhrim ah lunglawmhnak chim lengmang hna seh. Khrih hi nan chungkhar nunnak laicer ah chia zungzal u tiah forhfial kan duh hna. Ref: Billy Graham.

Video-Credit: The Chinland Post