An pathum in hi tiang an phaak khawh hi, Pathian dah ti lo cu a hodah asi hnga

Chin News

Laimi ka sinak zeizong vialte ah ka lungtling ka diriam khun Laimi thisen in a chuak mi ka si hi miphun dangnak in kaa uangthlar zeipoh ah ka diriam cikcek. Ramdang ka hawi le nih biahalnak a umtawn zong ah keicu Myanmar ah ka um a sinaain Lairam ah a um mi ka si Lai ka si kawl ka si lo kan nunphung le kan nikhua caanrel zong aa lo mi kan si loh. tiah lunghmui ngai le diriam ngai in ka chim tawn.

Image may contain: 3 people

Asinaain, Laimi ka sinak ih ka hnabei a ka donghter cem mi le Laimi si hi a nuam lo ka tinak zeimaw rek lote zongih Peng Tlang Holh. Ka peng, na peng ka tlang na tlang ka holh na holh. timi lungput a umtawn mihi zeitik ahkhin dek a va loh khawh te hnga. tutan Myanmar Idol ah Chinmi chungin 3 an i tel kan i lawm dih cio tha kan pek dih cio hna an pathum ningte khan Vote pek ih aa rualte in thapek cio ding an si ko.

Image result for esther dawt chin sung"

Culak ah a thiam mi nih Winner cu an hmuhte ko lai. A zeizei hlan in vote pek ngah cang ti le cangka ih Pengtlang zong kan tanawk a siko timi bia hna hi cu FB hrim ah Mipi hmuhawk ah tial ngam ding hmanh khi a si lo nan. Hummmmm Laimi lak ahcun Jesuh hmanh Idol ah i tel sehlaw, kan peng le kan tlang a si loh kan heiti men hnga a siloah kan tanhtuknak ah Jesuh cu Falam peng a si, Thantlang peng a si, Hakha peng a si, Zophei a si deuh tiah mah le tlang le pengah kan i cuhlulh hoi hnga dek. Credit: Van Bawi Zi Hlawn Ceu.

Image result for benjamin sum"

An pathum in hi tiang an phaak khawh hi, Pathian dah ti lo cu a hodah asi hnga. Kawlram ah sifaak bik le miphun fate asimi Chin miphun hi Pathian nih khuaruahhar in aa kan cawisan ko, ti a lang. Congrats y’all!

Leave a Reply