An Pahnih In An Chim Ve Ve Nain A Phi Chuak Aa Dang Ngaimi

Theihtlei

Hi kong kau hi kan chim lai lo ti zongah Bawi Thiang Bik Le Naomi cu kan laimi lakah minthang dirhmun in hmunhma a lami an si tikah anmah kong lawngte hi atu lio laimi online ah a khat ngaingai ko, Cun chim le rel zong hi ningzaak zong a si ko, Asinain minthang an si ve bantuk in an konglam le sining zong hlathlai le chim rel a herh ruangah kan rak langhter ve lengmang nak hi si ko. Tutan ah an pahnih chim mi hi rak zoh ve hmanh.

An Pahnih In An Chim Ve Ve Nain A Phi Chuak Aa Dang Ngaimi Cu

Image result for Bawithiang bik naomi

Tulio ceih hmai ngaimi hlasak thiam Bawi Thaing Bik le Biak Rem Chin nih fianternak an tuah veve. Nain, an chimmi aa ralchanh taktak mi pahnih a um.

Hlasak thiam Bawi Thaing Bik nih a Facebook timeline in fianternak a tuah i, cu ve bantuk cun Biak Rem Chin zong nih Live thlahnak in a tuah ve. Fianternak an tuahmi chungin aa ralchanh taktak mi pahnih cu an i tthennak kong le Noami nih Bawi Thaing Bik a helh timi kong hi asi.

An i tthennak kongah an chimmi cu Kan pahnih hnatlaknak in aa thenmi kan si, Kan i tthennak ruang hi kan chungkhat zong nih an thei tuk lai loh” tiin Biak Rem Chin nih cun a chim nain Bawi Thaing Bik nih a chim vemi cu 2009 kum lio i kan tleirawl lio lung in ka rak i chuah sual i, nupi a nei dirhmun in thlakhat tling lo tluk hrawng cu caan ka rak hmang, nain a kir tthan caah kan rak i tthen,”tiah a chim ve.

Caan saupi i pehtlai loin khuadang le ramdang ah caan kan hmang veve, a hnu kum tlawmpal a liam hnu ah nungak tlangval dirhmun in kan i kom tthan. Kan i komh cuahmah lioah pa he ka duh loning in Phone in an i chawnhbiak caah kan i tthen, teh te minung 6 mit in a hmu in a theitu an um ve. Hi kan i tthenmi hi kanmah pahnih lawng siloin anmah lei he kanmah lei he cingla sahlawh nih theihpi bu tein kan i tthenmi a si. Kan kar ah zeihmanh a um lo i a dih cikcek.

Image result for Bawi thiang bik vs biak rem chin

Noami Par Tha Sung nih Bawi Thiang Bik hi a helh timi kongah an chimmi cu” Hi kong hi cu anmah pahnih nih an theih bik ko lai, tiah” Biak Rem Chin nih a chim. Nain, Noami nih Bawi Thiang Bik a helhnak kong hi Bawi Thiang Bik nih tlawmpal cu a rak ka chimh bal ko” tiin a chim i; Bawi Thaing Bik nih a chim ve mi “Naomi Par Tha Sung nih hin a ka helh bal loh, keimah nih nupi caah ka duhmi a si caah thlacamnak he ka helh i ka duhmi a si. Caan saupi thil sining a hlat i tlangval dirhmun ka sinak tehte he ka um a fianh hnu ah a ka duh ve mi a si. Pathian hmai le minung hmai ah mi patung chut a si lo i, mi tlangval helh a si lo.

Cu hnu ah ka chung le he lungrual le lungtling in kan hal hna i kaphnih lungtling le hmai i hoih tein i umh kan i timh hi a si, Pathian hmai le minung hmai ah mi patung aduh lo, a duhmi pa hi tlangval ka si caah a ka duh ngam ve i kei zong nih ka caah a tthabik tiah zungzal caah kai thiimmi a si. Kei zong ka phohpian lo i, DL neih cuahmah bu ah tlangval dang a chawn khomi tu kha phohpian timi cu a si.

Tlamtling hna hlah seh tiah nahchuahnak setan lungput he mi patung chut phohpian a kan titu hi zaangfak tuk na si, thla kan in campiak. Hmailei zong ah mi nahchuak pawl le khawchia ruahnak a kengmi minung tampi an rak chuak te kho men, zaangfak tuk an si caah thlacamnak tu in lehrulh an hau. Hodah kan zumh kun lai?

Ref: CSP

Leave a Reply