Rev. David Lah nih Cozah lei zulhphung ngai loin April 7, 2020 ah Pathian thangthat nak, pumhnak a tuah tiah an rak chim mi cu a dik lo, Rev. David Lah hi April 5, 2020 in khan cun a mah a inn te ah dai tein aa din cang tiah theih a si.

April 7, 2020 ah Pathian thangthat nak, mibu pumhnak a tuah timi hi Mayangone township Block 7 khuabawi pa nih taza cuai nak ah a chim mi a si. A si nain June 10, 2020 i Biaceih zung an chuah ah khan Mayangone pengkulh Bock 7 khuabawi pa a biachim mi le Tehte a chuah pimi cu an zoh tikah a rak dik lo, Rev. David Lah cu April 5, 2020 in khan a mah a inn te ah dai tein aa din cang ti asi.

June 10, 2020 Biaceih zung ah chuah ah khan Taza cuainak a tuah tu minung 14 chung in minung (4) cu bia halnak an tuah hna i cu minung (4) nih an chim mi, Tehte an langhtermi cu a dik lo mi an rak si hna. A ra lai ding mi Biaceih zung an chuah ahcun a taang mi minung (10) chung in zeimawzat hna cu biahal nak an tuah tthan te hna lai. Zumtu hna nih thlacam nak he bawm rih ko hna usih.

“Zumtu hna thla cam ko rih usih. Saya te pa li cu a dang tein an chiah hna ii tha tein an zohkhenh ko hna tiah Sym Chery Htoo nih a facebook ah a tial mi zong kan hmuh tikah hnangam ngai asi ko” tiah Rev. Johnf Thawng nih a siaherh nak a langhter chih ve.