A sunglawi tuk hringhran ko ee. Bawipa nih an thlacamnak theihpiak in ngaihpiak hna sehlaw let hram ko hna seh. Israel nih atu lio zawtnak ṭihnung Coronavirus ruangah harnak lungreithei vansang au in ahrammi le harsatnak a tuarmi China caah rawl ulh thlacamnak an ngeihpiak hna tiah theih a si.

February 17-2020 Jerusalem i Western vampang (Wall) ah khrihfa zumtu minung 2000 leng nih atu lio zawtnak ṭihnung ruang harnak tongmi le lungrethei vansang au in a hrammi hna China ram caah rawl ulh thlacamnak an ngeihpiak hna tiah The Christian Post nih a langhter.

Atu lio zawtnak tihnung Coronavirus hi a karh chin lengmang i a thihnak a tongmi a tongmi zong an tampi chin lengmang cang. A damnak sii le atu tiang an hmu rih lo. World Health Organization nih cun minthar sakin “COVID-19” tiah an vuah i vawlei cungmi minung 71000 hna nih hi zawtnak ṭihnung Coronavirus hi an ngeih i minung 1700 an nunnak a liam cang tiah a langhter ve. Kanmah le kan umnak cio in thlacamnak in bawm cio hna u sih.

 

China le Kawlrampi hi a neih ngaingaimi a si tikah a phan ve lai lo ti chim khawh a si lo caah thlacamnak bawm cio hna u sihlaw a rauh hlan ah a damnak sii zong an hmuh nakhnga Khrihfa zumtu a simi hna nih thlacamnak in bawm cio hna u sih. A nungmi kan biakmi Pathian nih a tuah khawh lomi zeihmanh a um lo cucaah Pathian sinah thlacamnak in bawm cio hna u sih. Credit: The Christian Post