Amah Nih Myanmar Idol A Ngah Lai Tiah An Timi Benjamin Sum Nih Bia A Chim Ve Cang A Biachim Uar A Um Kho Taktak-Video

Myanmar Idol Season 4 zuamnak ai zuam vemi mipi nih pakhat nih a hmu lai an ruahmi le an zumh bikmi hlasakthiam Benjamin Sum nih lunglawmhnak bia a chim ve cang. A chimmi cu” Bawipa ka lawm tuk, Bawipa ka lawm” tiah Pathian sinah lunglawmhnak bia aa chim. Uar a um kho taktak. Thazaang a petu mipi sinah a chim tthan vemi cu” Ka si khawh tawkin ka zuam lengmang ve lai. Mipi nan thlacamnak, duhsaknak le thazaangpeknak ka herh tuk ( ka herh peng rih)” tiah mipi sinah sawmnak le lunglawmhnak bia a chim ve.

Benjamin Sum hi Tahan Hmunlai ah a ummi le a tthanglianmi a si i hringtu a pa nih mual a liam tak cang i, a nu he cuticun khua an sa tti. An nufa in hlasakthiam ngaingaimi an si i, hringtu a pa zong hlasakthiam a rak si ve. Hringtu a nu hi Cancer zawtnak in a rak zaw i, Pathian zaangfahnak le zumhnak in damnak a rak hmu i atu hi Tahan Bazar ah thilpuan dawr tuah in a paw a cawmmi an si.

Kan naupa Benjamin Sum hi thazaang pe cio rih ko hna usih! A aw hi phundang taktak a si. Atutiang rih ah cun mipi amah hi an zumh cemmi le Pakhatnak a la lai tiah ruahmi a si. Atutiang cu Season 4 in Round 3 tiang teinak a hmu ve rih.