Aizelaw! Trump Caah Ruahchannak A um ti lo, a fawi hrimhrim a fawi ti loh!

World News

Trump Caah Ruahchannak A Um Ti Lo, A Taangmi States 5 Ningin Teinak A Hmuh A Hau, Atutiang Dirhmun Ah Biden Nih Nevada Ah A Tei Rih Fawn. Trump cu Bye Bye tuah hau in a um cang: US rampi Electoral College Votes hi 538 a um. Cu tikah President tlin khawhnak ding ahcun votes 270 hmuh a hau. Atu votes rel ciami ah Biden nih votes 264 a hmuh cang. Cu lio ah Trump nih votes 214 lawng a hmuh rih. Cucaah Trump nih a tangmi states 5 ning in a tei a hau cang. A tangmi states ahhin votes 60 a um rih.

Image may contain: 2 people, text that says "Joe Biden 264 Donald Trump 270 to win 214 WA OR MT ND D MN SD WY WI ME NV CA UT NE IA NY co MI oH VT NH MA RI PA KS MO AZ NM OK CT AR MS VA- NC SC AL GA TX NJ DE MD DC HI FL Won Leads"

Cu tikah a tangmi States 5 hna cu: Alask-3, Georgia-16, North Carolina-15, Pennsylvania -20 le Nevada – 6 hna an si. Hi chung ah Alask-3, Georgia-16, North Carolina-15 le Pennsylvania -20 hna ahhin cun Trump nih a tei ko lai tiah ruah a si. Hi state pali ahhin votes 54 a um. Cu tikah Trump nih votes a ngeih ciami 214 +54= 268 lawng a chuak. Cu tikah President a tling kho lo.

Image may contain: 2 people, text that says "Biden Trump Georgia 16 electoral votes 98% reporting 49.1% 2,395,944 49.7% 2,427,250 > Nevada 6 electoral votes 75% reporting 49.3% 588,252 48.7% 580,605 North Carolina 15 electoral votes 94% reporting 48.7% 2,655,383 50.1% 2,732,084 > Pennsylvania 20 electoral votes 89% reporting 48.1% 3,051,565 50.7% 3,215,983 > Arizona 11 electoral votes 86% reporting 50.7% 1,444,213 47.9% 1,365,040 > Florida 29 electoral votes 99% reporting 47.8% 5,283,904 51 51.2% 5,658,404 >"

Hi states ahhin zeiruang ah dah Trump nih teinak a hmuh lai kan ti ahcun cu hlan ah Republican tthawn tawnnak hmun zong a si. A tu dirhmun ah Trump nih a tei ngai fawn. Atu tiang vote umtuning kan van zohta hna lai;

US polls: Trump vs. Biden: US election uncertainty may hit Indian market.  Long-term investors must do this. - The Economic Times

1.Alaska-3 umnak ahhin Votes 50% an rel cang i 50% rel ding a taang rih. Cu chung ah Trump nih 63.6% (1,14,814) a hmuh lio ah Biden nihcun 32.4% (58,519) lawng a hmuh. Votes in 56295 in a tei i percentage in 31.2% in a tei. Cu caah Trump nih a tei thai ko lai kan tinak a si.

How Donald Trump, Joe Biden are preparing for first presidential debate - Biden  vs Trump | The Economic Times

2.Georgia-16 ahhin votes Votes 96% an rel cang i 4% te lawng rel ding a taang. Cu chung ah Trump nih 50% (24,04,090) a hmuh i cu lio ah Biden nih 48.8% (23,43,142) lawng a hmuh. Votes in 60948 in a tei i percentage in 1.2% in a tei. Cu caah Trump nih a tei ko lai kan tinak a si.

3.North Carolina-15 ahhin Votes 94% an rel cang i 6% lawng rel ding a taang. Cu chung ah Trump nih 50.1% (27,32,084) a hmuh i cu lio ah Biden nih 48.7% (26,55,383) lawng a hmuh. Votes in 76701 in a tei i percentage in 1.4% in a tei. Cu caah Trump nih a tei ko lai kan tinak a si.

4.Pennsylvania -20 ahhin votes 87% an rel cang i 13% rel ding a taang rih. Cu chungah Trump nih 51.9% (31,33,095) a hmuh i, cu lio ah Biden nih 46.9% (28,32,956) lawng a hmuh. Votes in 300139 in a tei i percentage in 5% bak in a tei. Cucaah Trump nih a tei ko lai kan tinak a si.

Cuti a si ahcun Trump nih votes a hmuh ciami 214+54=268 a hmuh lai tinak a si. President ttuan khawhnak ding ah votes 2 ai duh rih. Cu tikah Nevada -6 ahhin teinak a hmuh hrimhrim a hauhnak a si. Hi Nevada -6 ah Trump nih teinak a hmuh ahcun a cung i kan langhter mi votes 268+6=274 in President a tling kho ve.

Asinain, hi Nevada-6 hi cu Biden umnak Democrats party pawl an tthawn tawnnak hmun a si hoi. 2016 lio ah Hillary Clinton nih teinak a hmuhnak states a si. Nain tukum hi cu hlan nakin vote thlatu an tam deuh caah Trump nih ruahlopi in van tei lup khawhmi si. Trump caah cun hi Nevada state ahhin teinak a hmuh hrimhrim a hau.

Biden ca zong ahhin Nevada hi President a tlinnak le tlinlonak laireltu state ah a cang ve tthiam. A ruang cu a cunglei a tangmi states pali ahhin Biden caah ruahchannak a um lo caah Nevada lawng bak hi a caah ruahchannak a ngeihnak hmun a si. Nevada ah Biden nih a tei ahcun hlan a hmuh ciami 264+6=270 a hmuh lai i President a si kho.

Biden hi votes 270 tiang lawng hi a hmuh khawh lai tiah ruah a si caah, President a tling men men te lawng a si lai tinak a si hnga. A ruang cu Trump nih votes 268 a hmuh lai tiah kan ttial caah Biden nih Votes 2 te lawngin tei i, President si dawh in a um. Asinain Trump nih Nevada a tei ahcun 268+6=274 in President a si hnga i a hlei in votes 4/5 in teinak a hmuh ti a si hnga i ai dawh deuh hnga.

Note:Micheu nih biahalnak an tuahmi cu Arizona-11 votes 84% lawng an rel rih i 16% a tang rih ttung. Ziah Biden teinak an pek an ti ve. Nain hi Arizona-11 hi cu Democrats tthawn zungzalnak hmun a si caah rel cia mi tiang zong ah Biden nih a tei ngai ko caah tiin Biden teinak an peknak a si. Relcia mi ah an i teining cu Biden nih 51% (14,11,235) a hmuh lio ah Trump nih 47.6% (13,18,219) lawng a hmuh. Votes in 93016 in a tei i percentage in 3.4% in a tei. Nain a tangmi 16% chung ah Trump nih votes a hui viar ahcun teinak va hmuh khawh a si. Nain a hmu lai lo tiah ruah cio cu a si. By Stalin Ṭha Cung Lian

Leave a Reply