Minung kan nunnak ah hin kan ngandamnak ding caah tthat hnemnak a rak chuah ter tu thil te te an tam pi. Cu hna lak ah cun Aithing tthatnak kongkau he pehtlai in Doctor Alex Matthews King (Health Correspondent) timi pa nih cun a tang lei bantuk hin a ttial. Leitang i ba/hrihhram pawl hrim2 hi Dehydration of Gastroenteritis timi bianabia ah pawpi chung um tu ning a hman lo ruang i luak chuah le cilciri thlawr ti bantuk pawl acanter tawntu Gastroenteritis dâwptu an si dih.

Cu lak ah minung nih kan eimi he aa tlaâk ningin Aithing hi tthatnak kong hi tlawmpaal in vunttial ka duh.Vawleicung pumpi ah buaktlaak in hngakchia 1.31million hrawng hna hi kum khat ah an thih peng nak a ruang pakhat cu Gastroenteritis ruangah asi. Nu pawchung in an chuah tik ah an mah tein an nunnâk caah antaksa, an pawpi seh rian țuan a herh ve cang ruangah Gastroenteritis hi um lo âwk a țhalo mi asi.

An cilri achuak i an luak tawn, hngakchia sem cu Aithing athak mi hang eiter/dinter phung cu asi lo nain hnûk a petu a nu nih Leitang bahra / hrih hram, abîk in aithing tamdeuh i a ei i nauhnûk a pêk ah cun Nausem pumchung Gastroenteritis kha a dâwp lai i a zun maw a ek ah a chûak dih lai….

Kum tling cangmi upa hna zawng kan luat hlei lo, kan paw Engine (seh) a cawl cangh hrim2 ah cun Gastroentiritis hi umlo awk a tthat lo ruangah cu Gastroentiritic thlinghnai dâwptu Dehydration caah Aithing hi arak țha tuk hringhran i luak chuah le cilri chuah pawl khamh nak ah Aithing hi tam deuh in kan ei piak khawh ah cun a ttha tukmi si.

Aithing cu Laimi hna zong nih fawi tein kan cinthlak khawhmi le kan eidin khawhmi a si ko caah minung kan ngandamnak caah mah tluk in a tthami Aithing hi a ho cio paoh nih tam deuh in ei din piak khawh i zuam hraam hna usih. Kan zawt kan fah ah phaisa tampi dih in sibawi te sin le sizing tiang hmanh kan panh ko i sibawi le sizung panh hau lo tein ngandamnak a kan pe kho tu hi zei tluk in dah a tthat. Ngeisoknews