Aho Hmanh Kan Tling Lo Caah Kan Duh Lo Mi Party Zong Kan Chinram Hruaitu An Si Ahcun Thazaang Pe Thiamtu Miphun Sihna Uhsih

Chin News

Aho Hmanh Kan Tling Lo Caah Kan Duh Lo Mi Party Zong Kan Chinram Hruaitu An Si Ahcun Thazaang Pe Thiamtu Miphun Sihna Uhsih.

Image result for chin cozah

Politics ah hruaitu i soi hi a phung a si. Nain kan nih Chin Miphun caahcun fak tukin kan i soi lo kha a tha deuh tiah ka ruah. A herhnak ahcun soi ding zong asi ko, nain kan target bik mi cu midang tumchuknak siloin thanchonak lam a petu le thazaang thar,ruahnakthar a petu si zungzal seh.A ruang cu Khrihfa zumtu tha nun kan ngeih ruangah le an kan hruaitu hna hi an si khawh tawk in kan Chinram le Miphun caah an caan pek in a tuan mi an si ko ti kha hngalh an si ko caah asi.

1. Hi Vawlei khamh awkah nunnak pek in a ra i a tling bik mi Jesuh hmanh minung mithmuh ah a tling lo i hi vawlei minung lila nih an thah ko. Cucu Zesuh a tlin lo si loin hi vawlei hi mifim bik tiah ruah mi minung hrim hmanh hi kan tlin lo zia kha a pakhatnak ah Bible nih a kan hmuhsak.

Image result for chin cozah

2. USA caah hruaitu tha tiah ruah mi President John F. Kennedy le Abraham Lincoln zong duhtu le dawtu tampi ngei ko hna hmanh sehlaw, a duh lo mi an rak um thiam thiam i thah tiang an tong ko.

3. Tulio Chinram hruaitu zong minung an si bang an tlamtlin lonak a tam pi lai. Mipi lei zong a tling lo mi longte kan si caah dawtu tampi lakah soiseltu kan um hi vawlei phung asi ko. NLD tanh ruangah Chinram na daw lo kan ti ahcun kan palh kho.

4. CNLD cu kan Miphun caah suttung an si tiin a dirkamhtu tampi lakah soitu an rak um ve ko lai.Curuangah Chinram na daw lo kan ti ahcun kan palh lai.- 5. Vawlei a si caah CNLD nihhin Next ah Chinram hi hruai hmanh sehlaw, minung duhning in a hruai kho thlu lai lo ti hi fian chung a hau caah a tu lio NLD a doh mi kan um bang CNLD a doh mi kan um than thiamthiam te ko lai.

Cu thil pahnih cu vawlei caan donghtiang a dong kho ve lo ding mi thil asi. Cucaah Mifim tiah ruahmi le ai ruat mi nihcun mihrut pa kha mihrut a ti bal lo, a fim chupchap mi long long nih a lung sau lo tikah a chim tawn mi bia asi bang, hruaitu a si mi nihcun a dang hruaitu kha thlak len loin ai kilveng i dawtnak le remnak he kan Chinram a hruai khotu taktak khi kan Miphun nih Hruaitu tha a si tiin kan lungthin catlap ahcun kan tial te ding mi cu a si ko. Cucaah mipi lei dirhmun zongin kan Miphun hi ai thlahdorh mi si loin a puitling mi dirhmun ah dir i timh ve in hruaitu hna hi thazaang pek zia thiam kan hau ve.

Credit: Al Bik Lian Zathang

Leave a Reply