Abraham Aungte: Rev. Benjamin Khamh Bawi Na Zumhnak Le Na Khrihfabu Hmanh Ah Dir Ngam Loin Online Lawngah Pa Ralttha Na Si Ko Hih

Theihtlei

HOLH THEIHLO KAN HI ZEI TIK AH DAH A DIH HNGA?

Image result for holh theihlo

A Bible Tuanbia He Zohnak Tahnak: AD 63 le 70 karah khan Tongues cu a dih cang. Zeiruangah a dih cang kan ti khawh ti asi ahcun, Lamkaltu (Apostles) hna nih Khrih Jesuh kong an rakphuan mi cu Israel mi hna nih thei ko buin an rak hlawt Tongues cu an rak hman peng mi a si. Lamkaltu 28:22-28 chungah kan hmuh bantukin Paul nih Israel mihna cungah Pathian biaceihnak kong cu AD 63 hrawngah an rak phuan cia.

Cu biaceihnak cu AD 70 ah a phan. Cu biaceihnak kong cu Paul nih AD 63 ah phuan hnu i țial mi Biakam Thar cabupawl (Rom, Efesa, Filipi, Kolosa, 1 le 2 Timote, Titus, Felimon, Hebru, 1 le 2 Peter, John 1, 2 le 3 John, Jude le Biaphuan) chungah tongues kong kaakhat zong kan hmu ti lo. Zeiruangah dah kan ti ahcun, Pathian bia Bible bia lungtlinnak cu a tlamtlingcang i, hmelchunnak thlarau laksawng hna cu a herh ti lo I Cor 1:22-23. Bible chung bia in kan chim ahcun thawchuahhnawh a si cang mi a si, a tling ti mi a si caah zeitik can zong ah a hmânmi Pathian bia a si.
Paul nih Bible chungah cakuat tampi a țial vasi kaw, a hmasa lei i a țial mi 1Korin chungah voikhat te dah ti lo cu tongues kong zeitikhmanh ah a kan tarlangh piak ti lo.

Doctrines lei he i pehtlai mi cabu Rome cakuat diklak chung zongah tongues kong hi zeihmanh a rel hlei lo. Cun Khrihfa hna nitin kan nunnak i kan kekar hlannak ding chimnak Bible a si mi Efesa 4-6 chung zongah tonues kong zeihmanh a chim hlei lo. Cun pastor le dikon tlinnak kong a chimhnak 1 Timote 3 le Titus 1 Bible chung zongah Paul nih tongues kong zei hmanh a chimchap fawn hoi lo. Tongues kong cu Mark (33 AD), Apostol hna chan Lamk 2, 10, 19(33, 41, 54 AD) le 1Korin(59AD) caan pawngkam i țial mi cabu hna chung lawngah chimhrinnak, siknak, iremhțhannak, lei kong a chim can lawng ah tongues kong hi a kan tar piak. Cu can hmanhah, tongues hmang ding in thazang peknak lei siloin, ri khampiaknak lei kongtu a si deuh.

Cu pinah, Khrihfa hmasa hruaitu hna Polycarp, Papias, Cyprian, Chrysostom, Auguestine, Origen, Celement of Rome, Justin Martyr hna nih khan tongues kong zeihmanh an rel bal lo. Zeicaah kan ti ahcun, cu tongues cu a dih cang caah a si. Chrysostom nih cun, “tongues cu a rak um bal ko, sihmanh sehlaw atu ahcun a um ti lo” tiah a rak ti bal.

B. Khrihfa Tuanbia He Cawnhnak

Khrihfa hmasa hruaitu hna nih cun tongues hi an rak hmang bal bak lo. 1.Rome khua mi Clement nih AD 95 kum ah Korin khua mi Khrihfa mipi hna cu Paul nih tongues kong he i pehtlai in a sik mi chimh lo ahcun buainak phunkip he pehtlai in fak piin a rak sik hna. Zeiruangah, tongues kong le khawruahhar kong vial a tleh chih ve hnga lo? 2.Antioch khua mi Ignatius (130-195AD) cu Lyons khua i bishop a si, Efesa khua zumtu hna sinah cakuat a rak țial bal. Tongues a hmang ballo in tongues kong he i pehtlaiin zei hmanh chim mi a ngei bal lo.
3. Justrin Martyr (AD 160) hi Greek zumhnak vengtu(apologist) minthang bak arak si. Anih nih Khruhfabu tampi a vehvat hna va si kaw, asinatein tongues kong hi voikhat te hmanh a rel ballo i, thlarau laksawng hna cazin lak hmanhah tongues hna cu a telh lo.

4. Tertullian (155-202 AD) zong nih tongues cu apsotol hnachan lio ca lawng ah a si tiah a rak chim. 5.Origen (AD 250) hi amah chan lio ahcun Khrihfa Pathian bia thiamsang (scholar) nganbik a rak si. Khrihfa cabu volum tam pi a țual bal ve si kaw, a cabu țial mihna ah tongues kong hi voikhat te hmanh a țial ballo. Asinatein voikhat cu apostol hna chan lio i chinchiahnak thlarau laksawng hna hi chikhat ca lawng an si ti mi kong Celsus cu a rak al bal. Khrihfa hna cu kum zabu 3 nakah tongues an rak hmang ti lo.

6. Chrysostom (347-407) hi Greek Khrihfa i thawngțha chimtu le Pathian bia hrilhfian thiam (the greatest expositor and preacher) khawruahhar taktak mi a rak si. Anih zong nih tuchan ah tongues a um tilo timi kong a rak chim bal.
7. Augustine (354-430 AD) hi North Africa ah mifim Pathian bia thiamsang an bichanbik mi mi pakkhat a si. Anih zong nih “it passed away” tiah tongues a donggnak kong a chim. A chimchap rih mi cu tongues hi Bible chan lio lawng ah hman chungmi a si “tongues was a sign adapted only to Biblical times” tiah a ti.

Kan Chinmi hna lakih Bible thurin humhimtu(apologist) tiin ka ruah ve mi keimah pumpak zong i kaa bochan ngaimi pastor saya Silas Ren nih, “Pathian i phuannak vialte cu Cathiang chung ah a tlinn zia Bible hmun tampi chungah a lang(2Timote 3:16). Lamkaltu hna nih cakuat țial an lim hnu in Cathiang tahnak (Canon) khar a si cang. Tu chanah Cathiang Bible hmang ti loin Pathian i phuannak a herh tilo. Cathiang leng i Pathian aa phuang bantuk in an ruah le an chim mi hi cu Setan i phuannak tu a si deuh” tiah ‘Thilnu Tello Chang’ timi a cabu cahmai no. 43 ah a țial.

A țialchap mi bia pakhat cu, “Apostol chan lio hmanhah khawruahhar thil tuah khawhnak a dih ti cu Bible chan țuanbia (Chronology) zohfian tikah a lang. Heb1:1-2 ah #Hlan ah cun Pathian nih kan pupa hna sin i bia a chim tikah profet kha a rak hman hna i a cheuchum tete le phun dangdang in a chimning cu a rak si. Hebru 1:2
#Sihmanhsehlaw atu kan chan, chan hmanung bik a simi chan ah hin cun, kan sinah a Fapa in a bia cu a chim. Amah thawng cun Pathian nih van le vawlei vialte kha a ser hna i amah cu Pathian nih a donghnak i zeizong vialte uktu ding i a thimmi cu a si.

Cathiang a tlingmi ngeih a si hlan in khawruah a dih thluahmah cang’ zeiruangah Judah mi hna sin Pathian rian kan țuanlo caah I Cor 1:22-23. Cucaah a fiangngai mi cu tongues hi kum zabu pakhat lio ah a dihcang timi bia cu Bible tuanbia le Khrihfa hmasa tuanbia zohțhannak in kanlung a kan fainter lai tiah ka zumh. C.Tongues an Run Hman Ning Tuanbia Montanus (150 AD) timi cawpiaknak sual phortu pa(heretic) ti in an rak auhmi a si i, cu pa lawng nihcun tongues a rak hman bal. Profet bantukin hmailei bia a rak phuan cia i a phuan ning in thil zeihmanh a phan lo. Amah le mah cu apostol hna aiawktu ka si (a successor to the apostles) aa ti chinchap. Amah pakhat lawng nih hin Khrihfa hmasa chan ah tongues hi a rak hman bal. Asinatein apostol John hnu a zultu Khrihfa hmasa hna hruaitu pasal țha pahnih a si mi Polycarp le Papias hna nihcun Montanus cu cawnpiaknak sual phortu pa (heretic) tiah an rak doh.

Khrihfa remh chan “Reformation Period” (590 – 1648) zong ah remhtu(reformers) hna zong nih tongues an hmang hrimhrim lo. Khrihfa bu remhțhan hnu “The Post-Reformation Period” (1648-1900) kar ah khan cun ngakchia cheukhat hna nih tongues cu an hman. Culawng si loin, Roman Catholics, Mormons, Quakers, Irvingites le Shaker hna zong nih khrihfa bu ah tongues an hman tawn. Charles Fox Parham (1873-1929) hi Chanthar Pentocostal Pabik “the father of modern Pentecostal movement” ti in auhmi a si. 1898 kum ah Bethel Tidamnak Inn(Bethel Healing Home) a sak, 1900 kum ah Bethel Bible College cu Topeka, Kansas ah a dirh. 1901 kum, January 1 ni ah khan Parham siang Ngakchia nu Agnes Ozman lu cung ah a kut a chuan piak hnuah tongues in a holh. Mah cu cu chanthar Pentecostal hna țhanghnak hrampi a si. Mah ti cun Pentecostal hna nih cun tongues cu tuni tiang peh zulh in an vun hman.

Benjamin Khamh Bawi zeitiindah mah zumhnak hmanh dirpi ngamlo in thawngțha chimnak ruah ah nangmah na zumhnak bu hmanh ah na dirngam țunglo, fb lawngah pa ralțha na si ko hih.

Credit: Abraham Aungte

 

Leave a Reply