World Food Programme (WFP) in Paletwa ralzam harsami hna caah tiin facang tun thongkhat a phormi motor pa 5 cu Vaupi ni (29) zaanlei ah AA ralhrawng nih Sami le Paletwa karlakah an kah hna tiah MRTV nih thanhnak a tuah. Asinain hliamhma tuarmi cu an um lo tiah MRTV nih a chim chap. Hi kong ah Paletwa ralzam bawmtu phu Salai Tluang Te nih hitihin a ṭial ve “Paletwa ralzaam ca ah facang a phor mi WFP motor panga Paletwa le Sami kar meng 20 an phak ah AA nih an kah,” tiah a facebook cahmaiah a taar/ṭial ve.

A poi tuk hringhran zeican ko dah AA nih hitihin a kan tuahto rih lai? A poi tuk hringhran atu bantukin AA nih Paletwa ralzam hna bawmhnak cafang phortu motor an kah hi a voikhatnak a si ti lo, a voi tam ngaingai cang. Atu lio cu kan theih cio bangin Covid-19 pulrai zawtnak ruangah ramkip ah Curfew/lockdown le lam phih cio a si tikah Paletwa kalnak lam zong phih ve a si.

Cu tikah khualtlawng lamlimi an um ti lo i, anmah hrimhrim zong khua dang kal in ei ding facang tibantuk an i cawk kho lo. Atu bantukin a phu dirhmi Community dangdang nih anmah kal in bawmhnak an pek tawn hna. Asinain atu bantukin AA ralhrang kah an tong ṭheo lengmang. Chinmi AA kut in zeican dah kan tuar ri lai? Kan lungfim cang hna usih! Chirchan: Zalen

Photo: Google