Chin ramkulh Sipin lei Vuanci a simi U Soe Htet le a zultu, a hawile pawl cu Tilawng in Paltewa khuate an tlawn lio, lampi ah AA hriamtlai pawl nih Meithal in an kah tiah RFA nih a tarlangh.

“Paletwa khuate cheukhat pawl cu Tilawng hmang in ka kal, ka tlawng hna i Tilawng kan i cit, kan kal cuahmah lio ah AA hriamtlai nih Meithal in an kan kah hi a si. Cu hnu ah Kawl ralkap he zong suimilam a cheu tluk hrawng an i kap” tiah U Soe Htet pumpak nih RFA sin ah a chim hi asi.

“Nihin chun suimilam 1:00PM tluk hrawng ah khan a si. Keicu Helicopter in a kalmi ka si lo. Tilawng te in Paletwa khaute pawl ka tlawng. Cu ahcun AA hriamtlai lei nih an kan kah hi asi. Vanthat ah kan mipum an kan khen lo, kan i dup dih manh hna. Atu ka umnak, AA nih an kan kahnak a hmun hi mipi sin ah chim awk a ṭha rih lo. Cu hnu ah Kawl ralkap le AA zong suimilam a cheu hrawng cu an i kap rih” tiah U Soe Htet nih cun a chim hi asi. Ref: RFA