AA Ralbawizik Nupi Farual Ramthumnak ah Dornak Nawl An pek hna. Zahan (10.12.19) Zanlei ah Bangkok um Lavuaka zung ah na kuat hna (Thailang um Rakhine Nuhrin covo phu). 4.12.19 ah Daw Hninzarphyu, Sawpitsian (K12) le Myatlinzaw (thla11) hna cu Chianmai ah an tlaih hna. Kawlram le kuatding asi nain Nuhrin covo phu nih an duh lo caah an kuat ṭhan ti lailo.

Kawlram an kuat hna ahcun an hrem hna lai. Thong nathlak hna lai. Ral he aapehtlaih lomi ngakchia tlaihcu nuhrin covo abuar mi asi. Ramdang an kal hlan lo chung poah Bangkok ah dawr nak nawl an pek hna. TMN unau 10 hna he tiah Kawlram kuat dingah NLD cozah nih Thailand cu a nawl hna. AA Ralkap chungkhat antlai cang mi hna cu: Khai Tukha Apu, TNM Unau 8 ansi. Thong anthlak hna I Biaceih cuahmah ansi. Kawlram Cozah NLD sin ah Kuat lo ding in Aw-an cio.

Fortify Right (Niki Diamond): Nan kuat hna ahcun Hremnak antuar lai (Fak taktak in).Thongthlak ding ah 100% asi. Thailand cozah le Thailand CSO hna kha kuat lo ding I zuam ding ah a chimh hna. Kawl NLD cozah nawl pek nakin bawte hna tlaih cu Democracy lungput thlau kha asi. Annasin lungput le ralhrang lungput asi.Taza loin tlaih mi ansi. Ral he pehtlai nak angei lo mi ansi caah kuat hrim hrim hla uh. Cathanh zong an chuah colh.

Khai Tukha: Ral lio ah hitin tlaihkhih mi cu zeitik hman ah raldai anduh lo caah asi. Mipun le ram caah ral cu I tuk phung asi ko. Ral he aapeh tlaih lomi tlai le thongthlak cu (bawte tiangin) Damiah riantu asi. Cozah he PEACE talk I zuam cuahmah mizong a rawk cang lai. AA Ralbawi hna chungkhar tlaih an I timh nak hi acaan asau pah ngai cang. NLD cozah nih Tlaih an fial mi hna ram hi Thai le Singapore ansi bik.

Dr. Aung Myo, Lt.Col (Pension): Sualnak zeihmanh a tuah ti theihfian lo pi in kan tlaih hna si lo. An sual nak ruangah tlaih mi ansi. Bohmuchuk Zawmintun: Bia hal khawh asilo. Thailand Cozah; Hmungkhu Sipuazi an tuah. Rak kantlaih piak u tiah an kan ti. Minung 10 tlaih rihlo mi zong an um rih. Na report ning in cun. U Sankyawhla: TNM apu. Rakhine Ramkulh Hlutdaw Chairman. Sipuazi ṭhalo an tuah cu asi bal lailo. Rampi remdai nak lam hnursuan tu asi lai. Ka fanu le katu le caah chimrel ding in a ho hmai hmanh ka zoh lailo.

U Mg Mg Soe: Tlangcung mi kong ruahkhantu. Thailand Nuhrin covo phu nih kawlram kuat lo ding in an I zuamnak cung ah upat nak ka pe hna. An kuat ti hna lai lo. Ral he aapehtlai lomi hna tlaih cu thli ṭhat lo tak tak khi asi ko. Teirul I cham cio asi lai I tusapur thil tu an cang deuh kho mi asi. Tlangcung hriamtlai phu an nupi le anfale rual kha misual ansi hna an ti bantukin Kawl Ralkap bawi hna nupi fale hna the misual ansi an ti khawh ve lai maw? Mit caah mit le Haa caah haa timi teirul chamnak tuksapur lei kalpi tu asi. Kawl cozah thil tuah mi hi ṭihnung tuksapur tak tak khi asi ko.

Kawl Cozah Tuahding mi: NLD cozah an I hmaithlak ding hna cu; Ral ruang ah tamtuk athihlo mi khuami hna kong, Nizan Kyaukdaw I kah nak ah athi mi tang 3 nu te (UNICEF). 2018 ah Shanram, Kachin, Rakhine le adang Tlangcung hmun ah ral ruang ah a thimi ngakchia 140 kong tu an konglawm ceihpiak deuh ding asi. Tu tiang ngakchia hna kong (140) telin NLD nih cozah nih ceihkhan an I tim rihlo. Saya Rung Kaw