AA ralkap an bawizik Thun Myat Naing i a nupi le a fale pahnih cu Thailand ram Chaing Mai khuapi ah December 4, 2019 ni ah khan Thailand immigration nih an tlaih hna tiah theih a si.Chaing Mai ah visa tettan an sauh lio ah Thailand cozah nih an tlaih hna tiah theih a si.

Mahhi kong ah AA in chimnak nawl ngeitu Khan Thu Khaing nih a chimnak ahcun ” Thailand thohhlanyi nih an tlaih hna. Mahhi thil hi Kawlram cozah le Thailand cozah i bawm in an tuah mi a si. An tuah awk an si a si lomi an tuah mi a si. An tlaih hna ruang ahhin kap hnih kar ah buainak a zual chin lai” tiah a chim.Boyoke Thun Myat Naing a nupi le a fale cu Kawlram ah kuat ding an ti nain a tu tiang an kuat hna timi cu theih a si rih lo.

Mahhi kong ah AA ralkap bawi Thun Myat Naing le AA in chimnak nawlngeitu Khan Thu Khaing nihcun Thailand cozah nih a tlaihmi hna hi a dik lomi an si. Visa in tha tein an um i khua an sa ko. An palhnak a um lo. Vawlei cung nuhrin covo phu hna zong nih an zoh a herh cang. Kawlram ah an kuat i Kawlram cozah nih dan a tat hna ahcun aa herh ning bantuk in kan tuan ve lai ready kan si ko tiah an chim ve. Ref: Thebungpipost