Thailand palik AA ralbawi General Htun Myat Naing i a nupi Ma Hnin Zar Phyu le a fate panih an tlaih hna timi konghe pehtlaiin ralkap lei nih atutiang zeihmanh an theih lonak le Thailand lei zong nih pehtlaihnak zeihmanh an tuah hna lonak cu Ralkap thawngpang hman a phuannak zung i Major General Zaw Min Htun nih a chim.

 

December 5 ah AA ralbawi General Htun Myat Naing i nupi nu cu fanu caah Visa term buaipi ding i an fahnak Thailand palik nih an tlaih hna riah ramchung thawngpang thanhtu hna nih ca in an langter.

Tlaih a tongmi hna lakah General Htun Myat Naing a fate kum 1 mi zong ai tel tiah theih asi. Hi konghe pehtlaiin Kawlram leiin buaipi khawh dingin Kawlram palik Force biachimtu Police Colonel Myo Thu Soe cu pehtlaihnak tuah asinain an pehtlaih kho lo.

Cu hleiah AA biachimtu Khaing Thu kha Suh zong pehtlaihnak tuah an timh len nain pehtlaih khawh loin a um ve tthan. Atu ah hin AA ralbawi General Htun Myat Naing i a nupi nu Ma Hnin Zar Pyu le a fate pahnih cu Thailand palik nih Kawlram lei i pekchanh dingah an buaipi lio hna asi tiah theih asi.