AA in November 3 ah an tlaihmi hna minung 10 chungah minung 9 cu tuni November 4 zingah an thlah than cang hna i a zammi Pu U Hawih Tin (ေဝွ႔တင္း) cu thlah duh loin an hren rih tiah nitlaklei ralkap hmunpi ah a ummi Ralkap Colonel Win Zaw Oo nih a chim.

“India mi 5 telh in minung 9 an thlah tthan nain U Hawih Tin (ေဝွ႔တင္း) cu an thlah lo. India mi putar pakhat kum 60 cu a thi cia in an tliah “tiah Colonel Win Zaw Oo nih a chim. An thlah tthanmi hna minung 9 hna lakah Chin palai Pu U Hawih Tin a tel rih lo i a dirhmun zong theih a si lo.

Putar Kum 60 a nunnak a liammi cu zeiruangah a dah a thih, zeidah thil sining a si timi cu theih a si lo. A taksa umdanning zohfel dingin sizung ah an kuat cang tiah theih a si. AA nih nizaan November 3 ah Paletwa le Kyadaw karlak ah minung 10 an tlaih hna i cu lakah Chin Palai U Wai Tan zong a vel. Midang cu India rammi rianttuanmi an si i Paletwa le Mit-O karlak lamthar a tuahmi an tiah theih a si. Ref: BBC