AA Pawl Cawlcanghnak Hi Democracy He A Kalhmi A Si, Ralkap Dirhmun In Zohsawh Awk An Ttha Lo: Min Aung Hlaing. AA pawl cawlcanghnak hi atu lio kan ttuan cuahmah mi democracy phung he a kalh taktak mi cawlcanghnak a si tiah Senior General Min Aung Hlaing nih NCA kum 4 puai i an tuahnak hmun ah a chim.

ARSA pawl hna he kan buai lio caan ah AA pawl cawlcanghnak hi atu kan ttuan lio mi democracy pung he zeihmanh a khahnak a um lomi cawlcanghnak a si, hi ralhrang pawl cawlcanghnak cu ralkap dirhmun in kutsih i zoh men ding cun a si kho lo” tiah Senior General Min Aung Hlaing nih a chim fawn.

Ralkap dirhmun in Rakhine ramkulh chak lei i, mitlawm te tlangpar ah a um mi hna cu ARSA ralhrang hna kut in vehim an si bantukin AA ralhrang hna kut zong in venhimnak ngaih an si peng rih,”tiah Senior General Min Aung Hlaing nih cun a chim chih.

General Min Aung Hlaing nih a chim rihmi cu “Rakhine ramkulh thilcang mi kong kan chim a si ahcun Rakhine ramkulh cu hlan lio chan in a thianghlim bikmi ram a si, Butitawng le Mawngdaw ah ARSA ralhrang cawlcanghnak ruangah daihnak a um kho ti lo i ram ngeitu Rakhine, Myo, Khami telh in tlangparmi pawl i nunnak le ngaihchiah thilri pawl tiang chuh an tuar.

Cu lawng si loin ramchung khua pumhuap in ral ttih ruangah an zam hna. Mah tlangpar ah a um mi, mi tlawm te nunnak le ngaihchiah thilri chuhnak pawl cu ralkap dirhmun in le thapmi tampi ngeiin kan humhimpiak hna” tiah a chim fawn.