AA Le Ralhrang Kahdohnak Ah Tualchung Minung 40 Nunnak A Liam I 100 Leng Nih Hliam An Tuar

Myanmar News

SAC Ralkap Hriamngan Ruang Ah Rohingya Mi 10 Nunnak A Liam I Minung 17 Hliam An Pu. Rakhine ramkulh, Buthidaung le Mrauk-U peng ah SAC ralkap nih vanlawng le hriamngan he kahdohnak an tuah ruang ah nizan December 28, nikhat chung ah Rohingya mi 10 nunnak liam i minung 17 hliam an pu, tiah tualchung mi nih an chim.

Nizan December 28, zan suimilam 9:00 hrawng ah SAC ralkap nih Buthidaung peng, Zayditaung khua ah hriamngan an kahmi cu a puah ruang ah Rohingya ngakchia 3 telh in chungkhar pakhat in minung 6 an nunnak a liam i pakhat hliam a pu, tiah khuami hna nih an chim.

Nizan December 28 ni ṭhiamṭhiam ah Marauk-U peng Kaingtaw, Butalone, Paungtote khua hna ah SAC ralkap nih vanlawng le hriamngan he kahdohnak an tuah ruang ah Rohingya mi 4 an thi, minung 16 hliam an pu, tiah tualchung mi nih an chim.

RFA nih an khawmhsuat khawhmi chung in Rakhine ramkulh chung ah SAC ralkap le Rakhine ralkap AA, kaphnih kar i kahdohnak December 13-29 tiang ah sualnak ngei lo tualchung mi 40 tluk nunnak a liam i minung 100 leng hliam an tuar, tiah an langhter. Ref: The Chin Post

Leave a Reply