AA le Kawl i dohnak hi zeican dah a awh, caanlak lai aa fiang lo. Tuning hin tuhnu kum 3/4 i do rih hna sehlaw Paletwah lei kan unau hartong le ralzam hi kan bawm kho peng hna lai maw, kan bawmhmi hna zong cu zarhkhat hnih phihkharnak a si. Cucaah kan ral hi a kham in kham le doh lawlaw ah a miak deuh lai. AA le kawl an kut thak i hnawhnak ruangah Chinmi kan temtuar pinah kan chawva a loral thluahmah. AA le kawl uknak i cuh ruangah kan thi,kan zam pinah kan chawva adih heu cuahmahmi hi ruah deuh hau.

AA le Kawl i cuknak hi Chinmi nih a kham in kham le doh chin ve lo cun Chinram hmunkip hi alam kip in kan him ti lai lo. Chinmi kan thazang, chawva hi funtom i miphun pahnih kut thak i hnawh tuarnak caah hmanglo in Chinram khamhnak caah hman ah ahlawk deuh lai. Paletwah lei kha bawmh lo ding tinak si lo, eidin ca kha kan bawmh khawh mi an si i an nunnak le an tihphannak kha kan bawm in kan khampi kho hlei hna lo caah tuar vekvek ko ahcun kan ral hi doh chin lawlaw ah Chinram kan dam deuh ving lai.

Kawl le kawl ralkap nih AA tuk cu caantha ah i lak riangmang in AA ralkap umlo nak pi ah heh tiah bomb an kah i Chin mipi an thah cuahmah hna,cucu kawlngian si. Chin le Rakhine karah buainak chuak sehlaw kawl nih kutsih bu in zoh te hna sih tikha an itinhmi si ve. Miphun ca dothleng tucu a mipi he aa then khawh lo bang, zei btk in dah tulio kan Chinram kong hi kalpi an timh hnga? tihi mipi theih duh bikmi si. Zatlak sa zoh in cun zoh liam an duh lem lai lo. Zatlak sacan ah haotu a herh bal lo. Credit: william hc