AA Hruaitu Lutlai Tun General Myat Naing Biaruahnak An Tuah Taktak Cang Lai Hih Biahal Na Duhmi Hna Um Maw

Thawngpang

Arakan Army hruaitu Tun Myat Naing biaruahnak a um lai. Salai Z T Lian nih online video in Major General Tun Myat Naing tonbiaruahnak a tuah lai. July 1,2020 ah CCN nih an interview tuahnak kan rak thlak te lai. Major General Tun Myat Naing hi Arakan Army hruaitu asi. Caan tawi te karlak ah a mah hruaimi AA ralkap cu thazaang thawng taktakmi ralkap ah a chuah.

Image may contain: 1 person, sunglasses, outdoor and nature

Tulio caan ah Kawl ralkap le AA fah taktak in an ituk lio asi. Chin ramkulh Paletwa peng zongah ral ituknak biatak tein a um lio asi. Hi tonbiaruahnak ah mipi lei in biahalmi pawl zong asi khawh chung in tel kan duh.

Cucaah AA hruaitu tonbiaruahnak ah biahal piak na duhmi a um ahcun June 27,2020 hlan ah kuat khawh a si. Facebook messenger ah siseh, comment ah siseh email ah biahalnak tuah duh mi kuat khawh a si lai.

Salai Z T Lian
Photo: Irrawady
Chin Cable Network Channel

Note: Chin Cable Network Channel timi hmehpiak law anmah sin ah biahalnak duhmi kuat khawh an si lai.

By Z Tial Thawng

Dr Hmuh Thang Hi Thantlang Nu/Pa Hna le Zophei,Lautu,Miram Nih An Kaltak Lai Ka Zum Lo. Dr Hmuh Thang nih Tukum cu Thimnak ah Kaa cuh rih lai,ka kum Khua zong a Upat ve cang caah a donghnak bik zong a si lai tiah a mah pumpak nih fiang tein a chim cang caah,Thantlang Nu/Pa hna le Zophei,Lautu,Miram dawtu hna nih an Kaltak siang hrim lai ka zum lo.

Ziahtiah,(Zei sualnak a tuah ti ruang loin)a Chan chung ah a dih donghnak Cem a simi theih ko bu cun an Kaltak siang hrimhrim awk zong a si hnga lo.

Cun,a mah zong nih a Chan chung ii a donghnak bik thimnak aa tel a si Lai caah hin,a sinak le a fimthiamnak,Hngalhnak Vialte um ek Chuah in a dawtu hna caah riantuan le cawlcangh aa timh lai zong ka zumh fawn.

MP timi cu Mipi aiawh tu an si bantukin,a dingfelmi,a fimthiammi, Miphun le ram a dawmi,a tuanbia a dawhmi an si a hauh caah mah Vialte zong cu aa cuh ti dingmi hna he Cuai Hun thlai chun zongah aa tlak bik le a tling Cem a si fawn.

Dr Hmuh Thang hi Miphun huap in riantuan aa tim pengmi a si bantukin,a Chungkhar,a khua, a pengtlang,ca lawngin thil a tuahmi nan thei hrim lai ka zum lo,tck a khua le a peng caah khin thil tuah va tim sehlaw a tuah khawhmi zong a va um len ko hnga nain cucu a Lungput le aa timhmi a si bal lo.

Cu bantukin lairam caah Rian kan tuan khawhnak ding ahcun Party lian ah kan um hau ko ee tiah,heh tiah a mah le Henny Van Thio hi a chim rel bik Cem an si ii,an policies zong aa khat bakmi an si,Henry Van Thio zong USDP in aa rak cuh hnik hmasa cu Zapi theih a si ko cu mu.

Laimi nih Lianlian Pa fak piin kan soiselnak bik cu USDP party a um caah ti si, kan philh lo awk le fak deuh in kan ruah a Herh tiah ka ruahmi cu USDP party hi mi tha lo le damiah phun rumro in kan zoh awk a si hrim hnga lo!!!

Democracy ram kan si rih lo ii aa tleng Kaa mi ram lawng kan si
rih,2010 ah USDP nih thimnak an tuah ii a tu hi khan dirhmun an rak kan phak pi va si kaw,mah pin lei ah zeidah NLD nih a tuah khawhmi a um?phunghram an remh kho maw?Daihnak kong an Ceihhmai mi teh a tlam a tling hlei maw?cu Vialte cu Cuai Hun thlai cio hnik uhlaw zeidah a Party mawhchiat awk a um maw?lam le sul an cawhmi te hna khi NLD Cozah lawng Thangthatnak pek ding a si hnga lo khih,tha tein Project a rak um dih cang mi a si Ho Cozah paoh an kai zong ah an tuah ding thiam khi a si ko.

Kan tuanbia zoh tikah,Hakha Thantlang nih cun Minung deuh peng zoh in thim an si,Pu Lian Thum,Pu Ral Hmung,Pu Hrang Mang,Pu Hrang Nawl te Pu Ro Thang,Pu Lian Uk tbk hna zong independence deuh in an rak ii cuh lio ahkhan rak thim an si hna a mah Dr Hmuh Thang lila zong 1990 ah Independence in rak thim a si.

Nihin zongah Zei Party hlei khi bochan awk le zumh hlei awk zong an um hna lo tiah ka ruah,kan pa le miding mifel,Mitha bochan awktlak Minung timi hna nih hihi cu a tha ko,a dik ko,Lam tha lo a si lo dawkaw tiah an kan timi an hnu zulh cu an kan hleng hrimhrim lai ka zum lo.

Leave a Reply