Aa Fonh Mi Chin Party ‘CNLD’ Hi Mizo Pawl Nih Zeitinndah An Hmuh?

Aa fonh mi Chin Party “CNLD” an hmuh ning le i tthit hruainak kongah kan unau Mizo hna nih an hmuh ning cu a tanglei bantukin an rak langhter. Anmah Mizo ca an ttialmi ning tein kan rak taar. Mizo ca le Laica cu aa khah pah ko caah anmah Mico an ttialning tein kan rak taar.

Chin Party Insuihkhawm CNLD: Voksa leh Antam ringawt aiin Zikhlum tlak ka rawn suan lut e: Hman ni khan “Chin party an sawi chu Lai Party lek lo niin” tih thu post vangin Chin Party chungchang sawi tura min ngentu te ka neih ve takahchuan politics lam hi luh chilh ve vak lo mah i la tihian kim lo takin sawi mai ang aw.

CNLD kan tih fo chu Chin parte te zinga a lianber pathum CPP. CNDP leh CLD te insuihkhawm hming a ni a, Chin state chu hnamah kan buai emai a hnam zawngin sawi ta i la, Lai -Halkha, Lai -Falam leh Zomi -Tedim te insuihkhawm party tihna ang a ni. Chuvangin Lai Party ti turin Lai chauh an ni lo. CPP, CNDP+ CLD–CNLD

CNLD ah chuan tu nge an hotu tih thu hi sawi a tam khawp mai a, Kristian kan ni a kan biak Pathian chu pakhat mah nise Pathianah minung pathum a awm ang deuh vin heng party CPP, CNDP leh CLP atang te hian Chairman an chhawm lut vek a, chungte chu a hnuaia pic hi an ni.

September thla nawi lam khan CNLD Chairman zinga pakhat Pu No Than Kap chuan Hotu inken theih loh vang pawh a ni loh thu a sawi a, khawvel ram nuamber leh direct cemocracy dik tak Switzerland ah Federal Council mi 7 ten an awp. Ratational thleibik awm lovin president an ni vek mai a, an vai hian thil tih theih dan in ang vek an ni. An tih dan kan zir a ni e.

Chairman pakhat aia tam thatna chu Chairman pakhat rem hriatna chauhin party a kalpui thei lo va, thil thupuiah inrawn khawma tih vek anih avangin kawng dik lo zawh a har. Chuvangin party dang dang insuihkhawmte in lo awm ve anihchuan kan tih dan hi in zir ve hial a rinawm. Hotu inchuh chungchangah pawh kan tling anihchuan tu nge CM, Assembly Speaker, CAM ect- tih vel chu rel fel sa anih angin inchuh tur a awm lo a ti.

CNLD lama ka thianpa pakhat phei chuan “Khawvela hnam ding chhuakte kan thlirin politics lamah pawh nise mahni hnam phatsan an awm lo. England ah chuan midum hovin an mahni midum hnam tan an vote an hlan ngar ngar a, tunah chuan zaah chuzat tih tham niin England ram chu midum rama siam an tum a ni. Malaysia a party lian deuh chu Malayu, Cina leh vai an ni mai a, vai hian sawrkar siam tham an awm loh thu inhre kur mahse party danga pakai ta sawi tur an awm lo. Chuvangchuan Chinmi nia inchhal a kawl party ni bawkte chu hnam phatsan an ni.

Burma ram a din phat atang khan ram chhunga hnam tinin chhinchhiahna seal “milu lem” kan nei theuhva, Chin hnam chhinchhiahna chu Sakei-baknei leh Ar-awn ni lo vin Vapual a ni. Vapual i tlansan ni chu Chin hnam i phatsan ni a ni” tiin a tang ve tlat bawk. 7Day Daily News chuan 2020 inthlan tumah tlangmite chenna ah chuan NLD an tling lo mai thei tiin a sawi ve bawk. Chu chu comment na chung berah ka dah.