Tutan kan nau nu Esther hlasak cu a ttha ngaingai ko. Asinain Key change nak te ah a aw tlawmpalte lai dengmangmi lawnglawng asi. Judges pawl chinchin nih cun a key a change ko kha an uar khun i a lang. Cun Esther hi zoh cio ulaw a hramthok in hla a sak paoh ah i biatak nak a ngei i, a thinlung dihlak in hla a sami asi.

Tin Zar Maw hna nih cun nangmah hi hla na si ti tiang bakin ati. a tanglei ah an comment an pekmi kan chiah i zoh khawh asi. Cun tutan a hlasakmi kong ah Media nih biahal an ngeih i aduhning in a sak khawh lonak zong a chim. Video in kan rak chiah chih ngaih khawh asi.

Judge Phyo Phyo Kyaw Theih nih a chimmi vemi cu” Esther na hlasak a ttha tuk. A ttha ka ti khunnak zawnte cu na aw na vun kainak zawn kha asi . Nangmah sinak tein tluang tein na sak dih i a hla ah na um, na lungthin pek i zarhkhat hnu zarhkhat in a lang chin lengmang. Tuzarh zongah na sakmi ka diriam tuk i, Vote zong tampi na hmuhnak lai duhsaknak kan pek, ” tiah a chim ve.

Judge Ko Latt nih a chim ve tthanmi cu ” Esther, thluachuakmi na si, khuaruahhar taktak na si. Na aw a kainak zawn kha ka chim duh bikmi as i i hlaphuahtu zong a diriam in a lawm tuk ve lai. O My God ti ding tlak in na sak khawh i na thiam” tiah a chim ve.

Judge Tin Zar Maw nih cun ” Tuzaan cu a zuamtu pawl zong nan thiam dih ve bangin Music zumtu pawl zong an ttha ngaingai hna. Esther nangmah hirmhrim ah na aw duh nunnung khunmi a um i a cawn in cawn khawhmi asi lo. Hla na sak tikah sullam ngei taktak in na sak i a zuam zong na zuam. Hla na sak ah a hla na um i a ngaitu mipi phundang piin theihnak na pek hna. Kan hnu leiah voikhat na sak sual i tutan zongah a thoknak leiah voikhatte na sak sual. A dang cu a ttha dih ko” tiah chimnak a ngeih ve.