A Thiltuah Mi Ruang Ah Iran Tuk An Timh Cang

Saudi Arabia cozah nih Iran cung ah a herh ning in hmalak a timhnak cu a phuan cang ko hih. Saudi Arabia nawlngeitu nih an chim mi cu drone hmang in Sept 14-ah an Oil khur dohnak cu Iran thiltuah hrimhrim a si ko timi an zumhnak kong cu an chim cang. Sinain hi kong ah anmah an si hrim ko timi fehternak taktak cu a um rih lo.

A cunglei kong he pehtlaiin Saudi Arabia Foreign Ministry biachimtu nih a timi cu thil um tu ning a dik hiar in hlathlainak kan tuah dih hnu in Saudi Arabia nih Iran dona dohnak hi ralkap cawlcanghnak a um kho mi a si.

Cu ruang ah Diplomatic, Economic le ralkap thazaang hmang pakhat khat paoh in Iran cung ah lehrulnak tuah a si lai,”tiah thanhnak a tuah ve. Hi kong ah Iran cozah nih Saudi Arabia le West ram hna puhnak hna cu soisel in kanmah kan si lo tiah an el peng ve.

Saudi Arabia Foreign Ministry biachim mi cu Iran cozah nih lehnak tuah in raltuknak an chuahter a si ahcun Iran zong nih kan zoh sawhsawh hna lai lo,”tiah an chim ve.