Gospel Singer hlasak thiam Sui Hlawn Rem nih (Remdaihnak Phurtu) timi Christmas Hla Thar cu tling tein ngaih khawh si cang. Hi hla thar (Remdeihnak Phurtu) timi hla phantu Samuel Thawng (Amu) a thiam i, hlasatu zong a thiam kho taktak. Hlabia a tthat pinah hlasak ngaih hrim a nuam. Bawipa nih hlasatu he phantu he hmang chin ko hna seh. A tanglei bik ah video zoh khawh si lai.

Relchih: Pathian nih zeiruang dah minung hi zalonnak a kan pek hnga? Amah Pathian hrim hi ho hmanh nih uk lo mi a si i minung sernak kongah zalong tein khua a ruat hmasa. A ser tikah Amah muisam le sining he loin a ser caah minung zong zalonak a pek ve. Zalonnak a pek cu a dawt caah a si. Bianabia ah mirum tuk mi nih na duh ningin inn ngan taktak mi kan sak piak lai.

Na duhmi zong tling tein kan chiah piak dih lai. Nain zeitik hmanh ah lengah na chuak kho lai lo tiah zalonak pek loin rii kan khan piak hna seh law lung fim nih cun a duh bal lai lo. A ruang cu zalonnak le luatnak a um lo nak hmun ahcun lawmhnak le hnangamnak a um kho lo. Cucaah Pathian nih a dawtmi minung cu lungthin in siseh, taksa in siseh rii khan piak loin zalonnak a kan pek tiah ka ruah.

Cu tlukin a sunglawi mi zalonnak le luatnak Pathian sinin laksawng kan ngah mi cu Mirang sinin Independent kan ngah in nihin tiang kawl cozah changchang le kawl ralkap changchang le kawl party changchang hna nih pek duh loin a phun phun in a kan hlen i a kan uk. Anmah kawl party tanh le bochan in zalonnak le luatnak a kan pek lai timi hi hlennak a si. Cu hlennak chung i kan um rih peng a si ahcun kanmah tu sual i phawt ding kan si cang.

Hi zalonnak le luatnak hi kawl nih a kan pek ding a si lo. Pathian nih a kan pekcia mi a si. A kan chuhmi kha kanmah thazang le fimnak he zuamnak in kan lak dingtu a si. Miphun party dirpi hi kanmah le kanmah kan i upat mi langhternak zong a si i mah le mah hmanh ai upat lo mi cu midang dang nih upat ding cu a lam um lo. Hnu zultu ding ahcun a kan duh tuk lai ta.

Kawl nih anmah hnu zultu ding le min thatnak pek phun in a kan hlen zong hi kan lung fim a hau. Bianabia ah-Hrang Thio le Thai Cawn te hna min thatnak an pek hna. Lungfim lo nih cun kan hei uar ngai rih hna. A ngaite ti ahcun kan miphun dawt ruangah ralkap a lutmi an si lo. Pawcawmnak caah a lutmi an si ko. Kan ral a si mi kawl ralkap an khamh hna ruangah min thatnak an hei pek mi hna tu an si. Fim chan a si cang i hi bantuk hlennak men ah kan i zam khim ding a si ti lo.

Kawl ralkap nih ralkap lut ding mithar a khomh (recruit) a tuah bantukin kawl party nih a hnu zultu ding recruit kan miphun chungah a tuah hi kan mit var cang ko seh! Tender tlaitu company tiang an khomh cang hna khih! Kawl nih hman (use) lawng a kan duh ti hi kan lung pem cang seh! Ka peh than te lai. Credit: Salai Tin Maung Win. hi ka ah video zoh khawh si.