A Sunglawi Tuk Hringhran Lawmhpi Cio Hna Usih Hkha Sizungpi Nih Cung Hu Lunglawmhnak Roca An Pek

Chin News

Hakha General Hospital: Lungthiang tein chim ko ah cun, Pathian nih a kan lawmh khi Kan duh ii minung zong nih rak lawmh khi kan lungchung cun kan rak duh thiamthiam.”Na Muichia tinak cun naa dawh” ti kan duh deuh.

No photo description available.

Cunak hmanh in muichia duhnung ti le minak iangngei a si ti hmanh khi kan i lunghmuih thiamthiam rih. Zeicahtiah minung kan sining a rak si ko. Mizaw hna aiawh in Si inn uk bawi pawl nih ka sin ah lomhnak an chim mi cung ah kaa lawm tuk. Pathian aa lawmh caah Sibawi te sin zong in mithmai ttha ka hmuh ve.

Biakilh: Kan Laimi chungin hibantuk hna kan ummi hi Pathian thluachuah ngaingai asi ko. Mizaw caah dawtnak zaangfahnak a ngei taktak ti a fiang ngaignai. Hakha Zizungpi nih Roca an pek lawng hmanh siloin lunglawmhnak langhternak zong an tuah chih i an catial mi ah an langhtermi cu “Hakha Sizung ah a ummi mizaw caah a herhmi thisen le siuzng herh hna cu mizaw zawnruahnak nganpi he a rak pechan lengmang tu Hope Blood Donor Organization cungah lunglawmhnak nganpi ka ngei tiah a tial chih.

Pu Cung Hu hruainak in Hope Blood Donor Organization an tuahmi hi a sunglawi tuk hringhran i kan Laimi miphun hmanh nih upatnak kan pek hrimhrim hna awk asi. Tuanbia tialtu pakhat zong asi fawn. Chin Khualipi asimi Hakha Cozah nih atubantuk in Roca an pek chanhmi hi a sunglawi tuk hringhran upatnak kan pek cio  i thazaang pe chin lengmang ko hna usih.

Cung Hu

Billy Graham nih tukfrohnak ka tei kho hrim lo timi cabia a tialmi in thazaang rak la tthan ve.

Tukforhnak Ka Tei Kho Hrim Lo: Billy Graham Bialehnak

Biahaltu: Tukforhnak ka tei kho hrim lo. Khrihfa cu ka si kaa ti nain ka tuah tawn thing lengmang ah kaa zel peng. Ka tuahmi a hmaan lo ti ka theih ko buin ka tuah than lengmang peng. Pathian sinah bawmh ka hal zong keimah bon lengmang ka si; zeihmanh a ka bawmhnak ka thei lo. Hitihin maw ka si peng ko lai?

Billy Graham: Si hlah! hitihin cu na si peng lai lo. Pathian sinah bawmhnak na hal taktak peng ko i, a duhnak na zulh peng ko ahcun na tei ko lai. A pakhatnak ah na theih dingmi cu Pathian nih an dawt. Na nunnak rawhter an siang bal lo, cun na ziaza dawh lonak nih Khrih thangchiatter ding le muichiatter ding a duh bal lo.

Asinain zeitin dah tukforhnak na tei lai? Pakhatnak ah, na hrial dingmi hmun, caan le thil an um hna. Na kal lonak ding hmun ah kal hlah. Pathian he kaa pehtlaihnak caah dawnkhantu an si tiah na ruahmi cu na hrial hrimhrim an hau. Hawi thalo na ngeih ahcun Pathian sinah hawi tha hal ko. Thil thalo tuah an bawmtu le an nuamh pitu cu na hawi tha an si lo. Pathian he hmanh an hlattertu an si caan a phan lai.

Bible nih ‘a ping ah i hruaiter hna hlah: hawi thalo nih ziaza tha an hrawh’ a ti (1 Korin 15:33). Jesuh Khrih he nan i pehtlaihnak thawnter lengmang. Na tuah bal lo a si ahcun Jesuh Khrih thawngtha an chimnak Khrihfabu kawl law, cuka ah cun um. Ni fatin in Pathian sinah thlacam lengmang law Pathian nih an neih chin lengmang ko lai.

Ni fatin Bible zong rel lengmang. Tawite na rel zong ah a poi lo. Citicun Pathian le a dawtnak kong na theih lai i, zeitin dah nung hna seh ti a kan duh timi zong na theih lai. “Zeitindah tlangval nih thiang tein a um lai? Na nawlbia aa nun pinak thawngin thiang tein a um lai” (Sam 119:9) tiah Sam catialtu nih a tialmi hi philh hrim hlah. Jesuh nih ‘na bia in thianter hna’ a timi zong philh hlah  (JOhn 17:17). Tukforhnak na teinak cu thlacamnak le A Bia in a si lai.

Leave a Reply