A Sunglawi Tuk Hringhran Chin State Cozah Nih Kan Nau Nu Esther Laksawng Tam Taktak An Pek

Theihtlei

Myanmar Idol Season 4 Winner kan nau nu Esther Dawt Chin Sung cu nizaan ah a chuahkehnak Hakha khualipi ah hlunghlai taktakin donnak a ngei. Cun lunglawmhnak Roca zong peknak an ngeih. Cu lawng hmanh si loin adangdang zong lawmhpi ca an pek ve. Cun lung ahmui khunmi cu Hakha khuanu khuapa nih an telpi hna lengah Biaknak leiin kan pa le tete zong nih an telpi khawh ve caah lawmh a um taktak.

Image may contain: 5 people, people smiling, people standing
Cun a sunglawi khunmi cu tuzing ah Chin State Cozah nih lawmhpinak le upatnak caah tiin Ting15 laksawng an pek tiah theih a si. Lung a hmui tuk hringhran. Cu laksawng Ting 15 an pekmi cu CM Lian Luai nih peknak a ngeih. Lawmhpi awk tlak taktak cu a si. Miphun hmaihngaltertu taktak cu amah hi a si.

Image may contain: 5 people, people smiling, people standing and people sitting

Cun Hakha khualipi donnak caan an ngeih lioah CB Bank zong nih kan nau nu Esther Dawt Chin Sung cu Myanmar Idol Season 4 Winner a si ruangah tiah lunglamhpinak caah tiin Ting 30 laksawng an pek ve tiah theih a si. Dawtu tete an tam i laksawng tete zong a pumpak in ahmuhmi a um chih len. Hakha khualipi donnak an ngeih i Carson Hall i caan an hman lio hmanh ah lawmhpinak ca phu 8 nih peknak an ngeih.

Leave a Reply