Hihi theih a biapi ngaimi thil a si. Myanmar Idol Season 5 ah i zuam na duh ve ahcun kan naunu Esther Dawt Chin Sung a chimmi hi rak ngai ve a hmanh! Laimi cu zuamnak pakhatkhat kan ngeih tikah lungfah a hmangmi le lungtha der a hmangmi kan si tikah tutan i kan naunu Esther Dawt Chin Sung a chimmi hi kan herh taktakmi le abiapi taktakmi a si.

A chimmi cu” Hi bantukin zuamnak ah kan i zuam lai kan ti a si ahcun ahmsatbik ah na thinlung zeitik caan paoh ah ready tein na si a hau. Chiatnak nan ton caan ah siseh, lawmhnak nan ton caan ah siseh a tuarzia le inthiam zia le cohlan zia ahmsa bikah nan lungthin kha ready tein nan i chiah hmasat a hau.

Cu leng pinah thlacamnak in siseh, lungtthawng taktakin nan um ahau ti kha hmalei ah zuam dingmi kan nau le caah vun chim kan duh hna. Hibantuk zuamnak i ka zuam tikah a hmsabik Pathia nih ka thlacamnak a ka theihpiak i keimah zong zaan hmanh ah ih i hngih kho loin ka zuam ve i ka zuamnak cung zongah mipi nan dirpi nak thawngin atubantukin teinak ka hmuh hi a si “,tiah Esther nih cun a chim.

Cun Myanmar Idol he kum zeizat dah pehtlaihnak nan ngeih ti le mi harsa thlanglei laitlang harnak tongmi Paletwa hna khi bawmhnak pek na timh maw tiah biahalnak an tuah tthan i a chimmi rihmi cu ” Atubantukin Myanmar Idol Winner ka ngah tikah hin kum 3 chung pehtlaihnak kan tuah leng pinah hin ngakttah caah kan ti tikah hin hibantukin ral ruangah harnak tongmi zong an i tel i Hakha harsami zong an i tel cun kawlram chung harnak tongmi zong an i telchih dih ko” tiah Esther nih vun a chim.

A lungput i zohchun awk tlak le cawn awk tlak taktak a si. A lungput a ruahnak mi rethei harsami hna caah nun a sianmi hi zohchun tlak taktak cu a si. Hi hnu hmalei a thil tuah laimi zongah thlacamnak in bawm hna usihlaw a saduhthah zong Bawipa nih a takin tlamtlinterpiak hram ko seh! Photo credit:The Chinland Post