Malaysia ah Laipa nih Motor pahnak in mual a kan liamtak. Malaysia ah ralzaam dirhmun in a um mi tlangval Sui Thun cu Motor pahnak in mual a kan liamtak,”tiah theih si Nizan December NI 20/ 2019 zinglei suimilam 6:00am hrawngah tlangval Sui Thun cu a lennak ah Motor lampi (highway) ah motor nih a pah hi si. Sui Thun hi Motor nih a pahnak hmun ah a nunnak a liam tiah theih si fawn.

Thawng theih ning ahcun zinglei suimilam 6:00am hrawngah tlangval Sui Thun hi Motor niha pah i, midang an phak hlan ah police an rak phan hmasa i, ti cun Panting siizung ah a ruak hi kalpi asi. Tlangval Sui Thun hi mino kum 25 hrawng lawng asi i, kum 2013 ah khan Malaysia a phan mi asi. Laitlang a khua hi Thantlang peng Tikhuangtum khuami asi. UN Card le a ngeimi si lo, a ruak hi a chuahsemnak Tikhuangtum ah an tlunpi lai tiah theih si. Ngaihchia mi hna chungkhar Bawipa nih in hnem ko hna seh. Charhchan: Chin 11 News

Relchih: Falam le Kalay khuami nih a hleice in Benben thazaang an pek, pek hrimhrim awk zong a si. Hakha le Thantlang in Benben a uarmi zong nih vote pek ding a si ve. I soisel awk si lo, miphun khat unau kan si. Esther zong a khuami Hakha le naihniam deuh Thantlang nih a hleice in thazaang kan pek awk a si ve. Atu bantuk a herh caan ah mah le mah i tanpi le thazaang i pek hi miphun dawt zong a si.

Nain, Hakha le Thantlang na si ruang ah Esther lawnglawng vote pek ding, Benben vote pek awk si lo timi ruahnak cu kan Chin miphun caah tihnung takmi virus a si. Salai Lungthli Tum