
A Poituk Hringhran. Line Vialte An Phih Dih Cang
A poituk ti pin cu chim awk um ti lo. Yangon Phone Internet line pawl an phih cang hna. Private Wifi Network lawng an ngah cang. Mah pawl zong hi a rauh hlah ah an phih colh khawh. Ralkap nih Aung San Suh Kyi le President Win Myint telh in Myanmar ram hruaitu hna an tlaih cang hna. Internet line a ngah thai lo cun hihi ahnubik kan Update a si lai.
Kawlram cu Ralkap nih hramhram in an lak tthan cang. Mipi duhnak in akal pi tu hna Buu-party cu Ralkap thazaang hmangin akal mi Buu-party nih hramhram in Ram hruaitu hna cu thimnak an tuah dih hnu hna ah tam tuk in sunghnak an hmuh caah atu bantuk in hramhram in nawl ngeih nak cu an chuh hna tiah thawng kan theih. Tuzingka ah khan Reuters thawngla tu nih NLD hruaitu asi mi hna Kawlram President Win Myint le Daw Aung San Suu Kyi le adang hruaitu hna cu an tleih cang hna tiah phone in a chim.
Phunglam ning tein rak cawlcang uh. Phunglam lo ningin rak cawl hlah uh. amah le amah ai tleih ter te zong maw asi tiah Reuters sinah phone in a chawnh. Naypyitaw Cozah zuung aum nak capitol cu Phone chawnh khawh zong an si ti lo Monday zingka in chawnh khawh an si ti lo. NLD nih teinak tamtuk an hmuh caah an i lungsi lo ruangah asi ko tiah aruat mi an um i an nih-nih an ti ve mi cu Mee-Vote pe tu hna nih Mee-Vote an fir ti ruangah asi ve ti asi. Ralkap lei zong biachim tu “military spokesman” zongnih zeihmanh chawnh bia khawh an si ve lo.
Kawlram angan bik Media asi mi MRTV television zongnih cun Facebook ah ca atar i zeiti hmanh in broadcast zong kan tuah kho lo, seh thilri hman khawh asi lo “technical issues” aum tiah an ttial. Tutan hi bantuk thil acan mi hi mifim thiam hna nih cun U.S President tthing Donald Trump nih U.S ram ah aluan cia zarh chungah U.S Cozah zuung Capitol abuai pi mi bantuk kha an i cawn caah atu bantuk in thil a can hi asi tiah an ruah i an chim bik. Ref: CCN