A Poituk Ee. Chin Ramkulh Samee Khuapi Ah SAC Nih Bomb A Thlak Caah Ngakchia 3 Hliam An Tuar.

Chin News

Samee Khuapi Ah SAC Nih Vanlei In Bomb A Thlak Caah Ngakchia 3 Hliam Faak An Tuar. Chin ramkulh,Paletwa peng Samee khuapi ah SAC nih vanlei in bomb a thlak  caah ngakchia 3 hliam faak an tuar tiah theih a si.

Nizan December 28 chun slm 11:15 hrawng ah kaphnihkar kahdohnak zeihmah a um lo nain SAC ralhraang nih bomb lung 20 tluk a thlak caah No.2 sang a um mi ngakchia minung 3 cu hliam fak ngai an tuar hi a si.

“Chun slm 11:15 in 12:20 chung ah SAC nih bomb lung 20 tluk a thlak,bomb a thlak lio ah a tlizam mi hna chungin ngakchia 3 hliam an tuar.cutin hliam a tuar mi hna cu SAC nih sii-ai kan thlop hna lai tiin an kalpi hna” tiah khua mi pakhat nih Zalen ah a chim.

Hliam a  tuar mi hna hi kum 3,kum 5 le kum 9 ngakchia an si hna i SAC nih Samee um an sakhaan pi ah an kal pi hna.

December 27 lio ah khan Samee siizung ah hmun khuar mi SAC ralhraang hna le CDF-Paletwa kar caan tlawmpal kahdohnak a chuak tiah theih a si. Ref: CBN Daily News

Leave a Reply