A Poituk Cang! Ralkap Nih Ramchung Mipi Nih Zulh Ding Nawlthar An Chuah

Myanmar News

NLD cozah nih an hrawh cangmi khuatlung mileng cazin peknak upadi cu ralkap tapung nih a thar in tuzan ah an nunter than. Khualtlung mileng cazin pe lomi poah cu phaisa thonghra siloah thong ni 7 tiang tlak khawh a si lai ti a si. Vawleicung cozah vialte lak ah a chia bikmi ralkap tapung cozah ngeih than cu lung a fak tuk.

Image result for Min Aung Hliang

Ralkap nih an uk chung paoh cu khual cazin report pek lengmang a hau tthan cang, zaan ttim zong ah ‘khual cazin kan check lai’ tiah innchung luh hnawh in tlerh khawhnak nawl an ngei tthan cang tinak a si. Biaceih zung nawl peknak an ngeih lo zong ah suimilam 24 cung hren khawh a si thhan fawn. An rem lomi cu an duh ning in tlaih le hren khawh a si cang tinak a si. A poi ko.

CDM hi ngol ding hrimhrim a si lo, a dihdongh tiang teinak hmuh hlan tiang cawl lawlaw a herh. Kan lung dongh sual i kan ngol sual ahcun mah nak in a chiakha deuhmi phung upadi an ser rih lai. Atu nak faak in tuar a si rih lai caah a dihdongh tiang pah chih lawlaw a hau. Tutan i teinak nan hmuh ahcun a zungzal ca a si cang lai.

Relchih: Min Aung Hliang (MAH) nih a sermi train🚊 SAC ah aho hmanh icit lo dingin CDM movement pi a kal cuahmah. MAH’ train 🚊 cung ah aho hmanh an kai duh lo ahcun a sermi train 🚂 cu sau a kal kho hrim lai lo. Cun ahodah MAH’ train 🚆 cungah a cuang? Laimi kan pale zeimaw cu Min Aung Hliang train 🚂 chung ah an lut cuahmah tiah ka theih. Ngaichia tak a si. Kan pale bochanmi hna, hruaitu ttuan an duhning le miphun dawtnak pelte hmanh an ngeih lo ning hi MAH ‘ Train 🚂 nih an mual a phoh cikcek hna tiah ka hmuh.

Min Aung Hliang nih hruaitu ah a thim hna i, a cohlangmi paoh cu hruaitu ttuan a duh tukmi khuachia hman nih hruaitu ah thim hna sehlaw a cohlang ding phun an si. Cucaah Miphun le ram a dawmi nihcun Min Aung Hlaing train 🚂 cung ah lut hlah usih. Civil Disobedience Movement hi thazaang pe cio hna usih! Lungrual tein kan ttang cio ko ahcun MAH” Train 🚂 hi kan stop 🛑 khawh hrim lai. By Zasang Cinzah

Leave a Reply