Kan pi nu biachim hi kamkhat leiin cun ahman ngaimi as ve ko. A lungthin ruahnak hi Miphun dawtnak lungput he a chimmi asi. Kan unau Falam pawl nih Benjamin Sum caah phaisa an kholh a timi hna hi ruah awk tlak ngaimi thil a si ve. Hihi ahmanmi a si maw? Atanglei ah Falam Website pakhat nih fianternak a tuah ve.

Tukum Myanmar Idol Season 4 zuamnak cu Voting a kalmi a si tikah Chin miphun kan lung a rual ngaingai aherh. Biakinn chung bak i hiti a thawng a thanhmi hi mi tampi nih cun an soisel len i an thangchiat len ko. Zeitindah nan ruah ve ning a si. A chungkhat sahlawh rualchan a si maw ti ahcun a si lo a thei balmi zong a si lo. Asinain kanmah Miphun Hakha-Thantlang a si caah thazaang a pek biatu a si deuh. Cucaah a ruahzia thiam cio hna usih!

Falam Website nih lehnak a tuahmi cu ” Kapi Falam pawl cu Biakinn chung ah thawng an thanh i minung pakhat fang 5 an kholh timi cu US, Kalaymyo le Falam khuapi ah a ummi ahohmanh nih an thei lo. Zeiruang ah dah Biakinn chungah ralttha ngaiin thawng na thanh i bia na chim?

Kapi Falam khua chungah Bike in an vak i inn kipah tangka an kholh tiah na ti kanmah Falam mi hmanh nih Falam khua chungah Benjamin Sum caah cawlcanghnak kan ngei lo i kan thei lo. Bike zong in an i chawk lo i phaisa zong an kholh lo. Na duh ahcun Eshter caah phaisa kholh le thazaang pek dingin na aupi khawh ko. Asinain Falam pawl thawngthanh puh le phuahchommi chim rel a herh ttung lo. Cu lawng si loin Myanmar Idol hi Falam le Hakha i dohnak a si lo. Falam pa le Hakha nu lawng an um tinak a si lo. Kawl le Karen zong an um miphun dohnak si loin hlasakthiam thimnak tu a si. Adang tampi a um ko nain aherhnak zawnte lawng kan vun chiahmi a si. Na ruahnak rak chim ve tuah?