ZTSF Ngaihchiatnak Kan Tong. ZTSF nih kan upat i, kan i bochan tukmi Dawn khuami Pu Kap Sawi 75 nih October 4 zaanlei suimilam 5:00 PM ah vawlei nunnak in a kan dinhtak. Pu Kap Sawi hi Dawn Students’ Alliance DSA ah kum caan sau taktak a dirpi tu hna le a kilkawi hna tu a si. Pu Kap Sawi hi rak um hlah sehlaw DSA le ZTSF riantuannak ah siam a tling taktak hnga lo. Kum 75 a si tiang fimcawng mi sianghngakchia thazaang a kan pek ning le a kan telpi ning cu khuaruahhar lei a si. Nihin ah Dawn khua ah Student an dirnak le a tungtlang taktak hi Pu Kap Sawi lo cun a tling taktak lo ding dirhmun khi a si. Nihin ah kan inntung pakhat nih a kan pelh tak ko rua ti hmanh in kan thla a lau.

2, 3 & 4 BHK@Gurugram, Sec.102 Feel spiritually elevated at the sky lounge deck@Joyville by Shapoorji Pallonji.HARERA Reg DSA hruaitu upa pakhat nih Pu Kap Sawi thihnak kong ah ngaihchia ngai in ZTSF hithin thawng a kan thanh. DSA chungtel kan dihlak kan ngaih a chia tuk hringhran. DSA a dir in rian a kan thawkpi i a thih ni tiang rian a kan tuanpi. Khua le ram ca zong ah thinlung a pemi a si. Kan khuaram ah Pu Kap Sawi bantukin DSA nih kan ngei ti hna lailo.

Zeitik caan hmanh ah Pu Kap Sawi le DSA hi ai pehtlai pengmi a si. A inn hi kan meeting hall bantuk ah a cang. A tu a kan liamtak hnu ah zeitin kan hung um lai timi kan ruah ah ngaih a chia hringhran. A ho nih thazaang a kan pek lai, a ralaimi ZTSF Conference kal lai ah kan hlam khun lai. Kan ngaih a chia hringhran ko” tiah a chim. Pu Kap Sawi ruak cu October 5 ah Dawn khua an an vui tiah DSA nih ZTSF sinah thawng an kan thanh.

Pu Kap Sawi hi Dawn khuami ah cun bia le hla a duh ngaimi a si. ZTSF ca ah hla zong a kan phuahpiak i, ZYA le Dawn khua le ram hla zong zeimawzat a phuahtu a si. Avoi 14nk ZTSF kan tuah kum le Dawn khua kan phanh zong ah biatak tein a kan telpi i a kan kilkawi tu kan pu a si. Avoi 14nk ZTSF Conference Dawn khua ah DSA nih Upatnak Roca le cawngnakpuan he upatnak an rak pekmi hruaitu a si. Pu Kap Sawi nih hin DSA an dirhka in a thih tiang phaisa, thilri ca tibantuk zong felfai taktak in a kenpiak hna.

Nihin ah ZTSF a kan dirkamhtu kan pa Pu Kap Sawi nih nunnak in a kan dinhtak cang. ZTSF le DSA nih a tanglei bang hin kan ngeihchiatnak kan rak langhter. Zahnaktlang chung ah Fimcawng mi hngakchia hna tha a pe i thihtiang a kan dirkamhtu ka pa Pu Pu Kap Sawi. Na liam kan lungsia a herh hringhran. Na kan rohtak mi dinfelnak le fimcawnnak thapeknak hi kan nih na tufa hna zong nih kan pehzulh chin lengmang lai.

Nangmah bantuk in dingfel le fimcawnnak thazaang petu minung tampi kan herh ti hi na kan dinhtak ni ah kan fiang. Asi a fak rihmi kan fimcawnnak le a thangcho rih lomi kan ram ah fimcawnnak thapeknak hi na liam sia a herh lai kan ruah ah kan ngaih a chia. Sihmanhsehlaw Bawipa Pathian nih kan hnem hram ko seh tihi kan thlacamnak a si. Na tufa le hna nih kan sianginn kainak cio in upatnak kan in pek. Bawipa Pathian nih a t’aangnem ah an pom lai tihi kan zumhnak diktak a si. Na tufa a simi, ZTSF & DSA Officer Councils le Executive