Hibantuk hna in midang ah kan ummi hi a poi hringhran ko mu. US, Oklamhoram state Tulsa khuapi ah aummi Chinpa Pau Than Tuang cu nupa sinak ah dik lo tukin a cawlcang tiah US Palik nih tlaih dingin an kawl cuahmah lio a si tiah theih a si.

Palik nih tlaih an timhnak aruang bik cu duh lo buin nupa sinak (sualpi) a timh ruangah tiah theih a si. Asinain sualpi a timhmi cu nu maw pa dah ti cu an langhter lo. Palik pawl nih cun thawngthanhnak zong an tuah i TV zongah langhter a si. December 30, 2019 in an rak kawl cang i cu hnu cun an tlaih le tlaih lo thawngpang um rih lo. Sodomy-Anal Sex Forcibly tiah case tuahpiak asi.

Oklahoma leiah hibantuk aummi kan unau Tedim lei hi an tam khun tiah theih a si fawn. Ralzam dirhmun in mi ramdang ah a ummi kan tikah hibantuk thil hna kan tuahmi hi cu a poi taktak. kanmah le kanmah kan lam kan i phih bak a si. Pau Than Tuang hi u le nau a ummi an si i palik nih a hmutu paoh an sinah thawngthanh dingin theihter an si hna. Credit: VPA