Thantlang Palik Inn Thlang Khuasa Inn 80-100 karlah Cu Khuaci An Mui, Lam Loin Palik Nih An Chiah Hna. A poi Tipin Cun chim awk um tilo, Thantlang Palik zung-sakhan tlang in zunghmun sang dawng 80-100 karlak khuasa cu Palik nih Thirhri an kulh hnawh hna caah lungre thei le ngaihchia in khua an sa. Palik nih an luhchuahnak Lampi thirhri in an phih piak hna tikah luhchuahnak an ngei tilo, eidin facang an cawkmi zong Diltlang cungin an tumkaipi.

An chuah luhnak an phih piak ding hna a si cun an phih hlan ah chin cozah sin ah lamthar an chuah luhnsk an tuah piak awk hna a si. Hibantukin thil an tuahmi hi Ralkap uknak he ai dannak pakhat hmanh a umlo. Hibantukin thil an tuahmi hi cu khuanupa zong an ngaihchia tuk, an ngeihchiatnak cu keimah the Thantlang post network ngeitu sin ah an sang upa pakhat nih phone aa ka chawnh i a ka chimh rak kan tialpiak tiah a ti caah ka tialmi si.

Hi thil kongah sang dih lak zong lamlo in minung fa velo bang an um hi an lung fahnak cu aan ka chimh. Saram kan si rihlo lam ngeilo tiangin aa kan chiahmi cu kan lung fak tuk tiah upa pakhat min chim lomi nih phone chungin aa ka chimh. A chim rihmi cu Zaan le bangah cun diltlang cung le an kan kham kanhmi thirhri kar in kan i tenh i kan lut chuak tiah an chim.

Cafang palh sualmi um cun ka ruat thiam u phone si caah, laptop ka ngeih khawh cun Thantlang thawngpang tha tein thanh khawh kai zuam peng lai. Ka page hi like le share in ka bawm peng u. Source:The Thantlang Post Network

Tuzing thawngpang: Tappi meici ruang ah Thantlang ah inn khat ciam dihlak in a kaang. Chin Ramkulh, Thantlang khuapi ah 2021 January 21 zinglei sang, tappi meici ruang ah inn pakhat a kaang, minung hliam a tuar mi tu cu an um lo tiah Thantlang meithat zung in thawng kan theih.

Atu inn a kanghnak hi Thantlang No.3 sang Pu Ram Ceu Thang inn dot hnih a si. A kanghnak a ruang zong hi tappi mei an kau mi meici in aa thok mi a si tiah kan theih. Hi kong he pehtlai in Thantlang Meithat Zung Lutlai Pu Hmung Hnin nih, “Inn a kanghnak hi Thantlang khua luh lai Laipawng lung phak hlan ah a si. Inn a kangh hi zinglei suimilaam 2:00 tluk ah a si.

“Hi inn kangh ruang ah hliam a tuar mi cu an um lo. Cun, tangka in zeizatdah an sungh ti zong kan thei kho rih lo. Inn a kangh ahhin anmah an um lo. Khualeng deuh i a ummi an si ca ah khuachung lei an um kar ah a si,” tiah The Hakha Post ah a chim.

Inn a kangh le cangka in thawng an thanh hna i Thantlang meithat zung in motor pahnih, ti phurtu motor pakhat in an va fuh colh hna i suimilaam 2:30AM ah an phalh dih tiah kan theih. Hi inn kangh ruang ah inn ngeitu Pu Ram Ceu Thang cu (ပ) ၄/၂၀၂၀ pohma 285 in Thantlang Palek sakhan nih dan an tat lai tiah theih a si. Source: The Hakha Post

____

Copyright © Chin World News Evening