A Poi Tuk Hringhran Pi Zatluangi Nih Mual A Kan Liam Taak A Nun Lioah Tuanbia Dawh Te A Ṭial Taak
A poi tuk hringhran ee. Tantaakmi chungkhar Bawipa nih an ngaihchiatnak chungin hnem hram ko hna seh! Pi Zatluangi, Kum 89 w/o Pu Zasela (L), cu tuzaan Dar 9:30 ah khan an umnak inn Electric Veng near DEO Complex ah a nunnak a liam tiah theih asi. Tuzaan an tthupi hna i, thaizing ah ruak vuinak caan an hmang te lai tiah thawngpang theih asi.
Amah Pi Tluangi tiin mi tam deuh nih an theihhngalhmi asi. Amah hi Lunglei sianginn ah a minthang bik le alar bikmi chungah a telmi JNM School ah Head Teacher caan zeimaw zat rian a ttuan i, a cawnpiaknak tangin a tthangmi mi hlawhtling tampi an um hleiah ram hruaitu le uktu tiang a chuakmi an um tiah theih asi. Amah hi cawnpiaktu ttha National Award For Teacher laksawng tiang a hmu cotu mifim thiam pakhat asi ve.
Hi vawlei kan nunnak cu hihi asi ko. Bible nih a chimcia bangin hi vawlei cu zungzal a hmun ding le kan umnak ding asi lo. Caankhatte ca i, khual atlawngmi kan si i, kan nun dam a saubik ahhin kum 70 le 80 chung te lawng tiah a chimhcia bangin kan nu asimi Pi Zatluangi zong Bible bia bangin atubantuk a tonnak hi asi. Tantaakmi chungkhar Bawipa nih an ngaihchiatnak chungin hnem ko hna seh!
About Post Author
