China Puaisa Hmaikawrbun(Bumhmang) tei Nupa (Lalramliana & Biakremsung @ Sa Tin Tlem):Lalramliana hi Myohla Khawmi. Biakremsung hi Lungrang khawmi. Innsang tul poimawhnak ruangah tiin mi tampi cu ramleng ah sumlepai hawl in an pawksuak. Cumi lakah kei khal cu sumpai tuak dingin rualpi(mai hmel theihcia) um zarah fehnak ding hmun theih cia ahcun feh dingin tim ka tuah. Hlawh hi 4500-5000 Yuan i ti(Biakremsung in). Jan 11(Fri) ah Kalay ihsin minung 60 hrawng kan poksuak. Jan 16 zing nazi 8:00 am ah Sweli ihsin kan tumram panih Ni 4 le zan 5 sung tawruh kham nelnel le phurhsam zawng nguahngoi’ motor kan cuan hnu ah 20 Jan cawlhni zingah Yuningzen veng,Muping, Shandong cu kan thleng felta. Cuini ciah in lunginn tang kan si thu kan thei aw ciah.

Phone le ID card Kan thlen veten “nan phone le Hmatpungtin kha in run pe uh” in ti hngal mai.  Kei in “ehe…cuvek phone ting ding tivek thuhla zianghman in sim silo.” Ka ti.  LalRamlian, “Thlakhat chhung chauh a ni ang” i ti. Midang hmuahhmuah in an pe ttheh. Paih lo cingin netabik ah cun ka va ap ve. “Hmatpungtin teh ziang hrangah maw?” Ka sut. “Police an lo kal hun ah kan lawban in “hengho hi ka mi le sa te an ni” tia min ven theih nan”  (Phone le Hmatpungtin hi Lawban in a kawl an ti nan anmai room ah si an thup.

Cule a hlan ih rak tlansuakpawl hmatpungtin tla tampi a kawlmi a um) Thlakhat hna kan hun ttuan i phone ngah ti um talo. Thlahnih le hrek a kim cun Phone dil dingin minung 30 kan lungrual ih “lawban hnenah phone in dilsak aw” kan ti. Anih in “a theihloh, chutiang tur anilo. Kalkawng man rul zo hma sasa a pe dawn cheu” a ti. Thlahnih le hrek um ih 3000 Yuan hlawh lo cu aw….Asile hnatuan kan nuar ding tiin minung 30 cu April 3 ni cu kan cawl ih suah kan tum. A sun ah phone in pe ih Simcard hmuahhmuah an rak phong theh. Nauhak aa vek in Phone lawng simai kan hman men.(Thla 3..sung) “China feh dahlo kan duh” an ti kha ka vun mang ruangro.

Lamzin Man le Hlawh Lamzin man hi 3000 Yuan(Kawlram in 600000 le ti) ti a si. Asinan Muse ihsin kan paisa cu eiral sak rero zo a rak si. Hlawh hi nikhat ah 150-180 Yuan hlawh theinak A takram ah nikhat 40-70 Yuan hlawh a si. Acancan ah nihlawh hi kawlram paisa 2000 vel a si can tla a um. Lalramlian ih hlawh cu Tong lehsak man minung pakhat in thlakhat ah 100 Yuan Rawl suan man minung pakhat in thlakhat ah 100 Yuan Lawban hnen ihsin nitin 100 Yuan a dawng. Amai thlahlawh 4000 Yuan per month hrawng Kan hlawh a hrek tluk a ei. Thlakhat ah a malbik in 15000 Yuan a hlawh tinak a si (Kawlram in 3,000,000 Tingsawmthum hrawng) cu ai a tamsawn.

Ei le In Ei le in hi vokrawl siko. Kawpi(zikhlum), bokbawn, Alu tivekpawl khawlhlo ih suan mi a hang in simai. Tihang hi anmah nupa cun an in dahlo. A dangten kan mithmuh ah nitin sa an suang ih an kio.
Innlam Biak Inn lam biak a sile anmai phone hmansak a si.Cuhman cu mitsing cingi dil a si. A san cu kan unau, nulepa kha an fb in in add sak. Innlam kan biak a sile kan kiangah an to ringring. Kan tongmi an ngai thluh. “Ziangruangah inn lam kan biak a sile kan kiangah nan to kerker ih kan ttongmi hmuahhmuah nan ngai thluh tum ttengtteng. Sungkaw thuthup rel duh tla kan nei ve sisi?” Tin ka sut. Ramlian,”Kumdangah damdawi hralhru ti te in min lo sawi a. Ka hming chhiat tur hi ka pawisa Nuai 5-nuai 6 ai pawn ka ngai pawimawh zawk.

” Kei,”chu hmingchhiat tur chu i va hlau emem ve a, thudik chu khuarei hunah a rawn langchhuak leh dawn alawm.” Fb ah ka rualpipawl in kan phone tingsak a si thu Comment ih an rel an hmu ih an screenshot ih an room ih in kawh ttum ah thu tampi kan elaw. Hnatuandan Hna hi nitin kan tuan ih, thlali sung hmanah lamzun man kan rul theilo cu mak si. Inn lam hnen ahcun “hna an tuan tha paih lo an ze tuk ih an cawl leuhleuh” tin tla an rak sim(Sekan pai tonmi).

Cun “zu an in ringring theu” tipawl tlan innlam ah an rak relkual vel. Thlakhat fang 20 thawn zoso nitin zu in ke? Fangkul hi thlakhat sung in puktermi a si. “A cak pawl cu thlakhat 5000 yuan an hlawhban” tin tla an sim thotho. 5000 van ih rah si, 2000 yuan hman hlawhban lo kan si.  Nitin ih in vinnak tongkam hrekkhat Lalramlian, “Hna thadeuh thawk rawh u, tang rawh u, ka bum lo cheu. in thawh hnem poh leh nangmah ni tan. Engtin nge chhungte pawisa in thawn theih ang he tiang te chuan” Zohman in “in bum” ti hman kan ttawng hrih der silo. Kan tuantam le a ei tam ting simai. “In hotu ka nih hi min zah rawh u” tla a hei ti. Zah tlak in awm ta che ka ti hlakhli.

Thil Lei A leng suaktheiloi’ kalh khum kan si. A lengah suak in thil kan lei thei lo. Anmah in in leisak. Thawngtla siko.  Zing tlaipi 9:30 am luan hnuah an ra tho hnuanghno ih “tunge thil cah duh nei.Hmanhmawh ru. Bazar an khar dawn nia”  Valte “Rama, pawisa chu ka nei lova, mahse ka chhungte kha ka ngai lutuk tih ka chah duh che” Cutin Thlaruk ciah kan um ih July 6 zing cu buai na men lo in kan buai ta. Amah kan vel tum ih Lawban phen ah a relh. Mi cu an thinheng le an hmai a sen ih anih cu a hmai a dup. Hmatpungtin le Simcard kan dil i in pe tumlo.

Kei pate thinsia cun kutzung khih phah in “Ramlian, in pe lo ding ti aw? In pe hlah. A poilo.Khua na tlun tikah thawngtlak na duh maw? Midang ta tampi na kawlmi khal kan thei thluh” ka ti. Kan elawk buai hnuah Simcard le hmatpungtin cu in pe ih July 6 zing ahcun minung 26 kan suak. August 6 ah minung 5, ni 7 ah minung 6, ni 10 hrawng ah mi 13 hrawng an suak. Netabik suakpawl hi an vakvai rei cuang. Karkhat sung lai umnak neilo in an vakvai. “Kanmai khawpi sungkhat vek ih kan ruahmi in ”nannih paisa lo ei kan duh lamlam lo…nan duh le tlung uh” tin in ti ih ek tan in in tan cu kan ningna si.” Tin amah Biakremsung tei khawpa Mate in a ti. Pawisa neilo in zoso tlung ke?  Lalramlian,” Tun chu tlangram lam mi mi mawl deuhdeuh, mi 50-60 ka hruai anga, kumkhat chhung ka khung ang. Chumi chhung in nuai 200 vel ka lalut hman ang. Kumkhat akim hnu chuan an duhduh dan in ka awm tir ang” tin a unaupa rori Kanan mi hnenih a tongmi a si.

Tuhi an nupa in an tlung ih, company dangah midang hruai leh a tum. Nan unau sunglekhat ruallepi pawl rak sim uh. Agent tampi an um konan annih nupa thawn an hnawihnih aw ngah pang kei t phan ruangih post a si. Singer ttuan ttheu, rawngbawl ih vak dah Biakremsung @Satintlem (Sa Tin Tlem hi an khawpawl ih an kawhnak) le Lalramliana (MyoHla khawmi) tei nupa… kan thisen le thithau thawi kan tuanrah nan eimi pawl hi….nan ei reilo ke. Nan parah ziangtak thleng kei mawcu? Nan tuar ding le ton leh ding mi hi rak zoh hnik uh. Ramlian,” China ram chu inbumna ani” Credit: Lal Pek Hlu

Note: Falam ca te in kan rak chiah. Laica in leh khawh kan vun i zuam tthan lai.