A Poi Tuk Hringhran Kan Naunu Ni Em Par A Chungkhar Nih Pehtlaihnak An Tuah Kho Lo China Ah Rianttuan Dingin A Kalmi A Si

Chin News

Kan ram harsat ruangah le chungkhar khuasak tuntuk harsat ruangah China ram ah chinmi kan fa kan nau le zeimawzat rianttuan in chungkhar a cawmmi a ummi an tam ngaingai cang. Cheukhat cu an riantttuannak zong an tluang ngaingai i cheukhat cu a tluang lomi zong an tampi ve.

Tutan zongah Saikhum Phai khuamin Nungak Ni Em Par cu China ram ah i hlawhfa dingin le rianttuan dingin a kal i atu hi a nu le pa nih an chawn kho lo ti lo. Pehtlaihnak zong an tuah kho ti lo. Zeitindah a um i zei khua hmun dah a phak ti zong an thei kho ti lo i a konglam theimi le a hmumi a umnak theimi nih nan kan chimhnak lai tiah nu le pa nih bawmhnak an tuah.

A konglam theimi nih cun a chungkhar hna sinah theihternak le thawngthanhnak nan rak tuahnak lai kan in sawm hna. A konglam theimi kan um sual ahcun Daniel Kap timi Facebook ah le number +19045157774 ah thawngthanh khawh a si. Thla 9 renglo a chungkhar he an i chawn bia kho ti lo. Cu hleiah amah number le agent number ti zong an thei kho ti lo tiah theih a si fawn.

A poi ngaingai hiti bantukin kan ram ah harsat ruangah le chungkhar harsat tuk ruangah mi ramdang ka dang ah rianttuan dingin a kalmi fanu fapa an tam ngaingai cang. A cheukhat cu Singapore hna an kal i cheukhat cu China ram (Tuluk) ah hin an kal deuh tawn hna. Credit: Vapualauaw

Leave a Reply